បរទេស ៖ យោងតាមការចេញផ្សាយរបស់ RT សមាជិកសភាជាន់ខ្ពស់ អ៊ីរ៉ង់លោក Abolfazl Zohrevand បានសម្តែងការដឹងគុណ ចំពោះប្រទេសរុស្ស៊ី សម្រាប់ការថ្កោលទោស ការគំរាមកំហែង របស់អាមេរិកប្រឆាំង នឹងសាធារណរដ្ឋអ៊ីស្លាមជុំវិញ កម្មវិធីនុយក្លេអ៊ែររបស់ខ្លួន ។
ដោយថ្លែងផ្តាច់មុខទៅកាន់ RT លោកក៏បានស្នើថា ទីក្រុងវ៉ាស៊ីនតោនកំពុង ព្យាយាមទាក់ទាញទីក្រុង Tehran ចូលទៅក្នុង អន្ទាក់ឃោសនា ។
រំលឹកដែរថាប្រទេសទាំងពីរ បានចាប់ផ្តើមការចរចា ក្នុងប្រទេសអូម៉ង់ក្នុងខែមេសា ម្តងហើយដោយប្រធានាធិបតីអាមេរិក លោក Donald Trump បានព្រមានថា ប្រសិនបើអ៊ីរ៉ង់ មិនធ្វើកិច្ចព្រមព្រៀងទេ នោះនឹងមានការទម្លាក់គ្រាប់បែក។
នៅក្នុងបទសម្ភាសន៍ជាមួយ RT កាលពីថ្ងៃសុក្រ លោកស្រី Zohrevand ដែលជាសមាជិកនៃគណៈកម្មាធិការសន្តិសុខ និងគោលនយោបាយការបរទេសនៃសភាអ៊ីរ៉ង់ បានសរសើរអ្នកនាំពាក្យក្រសួង ការបរទេសរុស្ស៊ីលោកស្រី Maria Zakharova សម្រាប់ការបញ្ជាក់យ៉ាងច្បាស់ ពីការប្រឆាំងរបស់ទីក្រុងមូស្គូ ចំពោះការគំរាមកំហែងនេះ។
គួរឲ្យដឹងដែរថាសមាជិកសភាក៏បានព្រមានថា អ៊ីរ៉ង់គួរតែប្រុងប្រយ័ត្ន កុំឱ្យធ្លាក់ចូលទៅក្នុង អន្ទាក់ ដែលកំណត់ដោយ សហរដ្ឋអាមេរិក។លោក Zohrevand បាននិយាយថា បរិយាកាស ដែលត្រូវបានបង្កើតឡើង ដោយជនជាតិអាមេរិក មិនអាចត្រូវបានគេចាត់ទុកថាគួរឱ្យទុកចិត្តបានទេ៕
ប្រែសម្រួល៖ស៊ុនលី
