បរទេស៖យោងតាមការចេញផ្សាយរបស់ RTរដ្ឋាភិបាលទីក្រុងមូស្គូ មិនចាត់ទុកគ្រឿង បរិក្ខារណាតូណាតូ ជាការគម្រាមកំហែង ដល់រុស្ស៊ីទេ។
ការលើកឡើងដែលត្រូវបានធ្វើឡើង ដោយ លោកប្រធានាធិបតី Vladimir Putin ប្រាប់អ្នកសារព័ត៌មាននៅខាងក្រៅ វេទិកាសេដ្ឋកិច្ចអន្តរជាតិ នាទីក្រុង St. Petersburg ប្រចាំឆ្នាំលើកទី២៨កាលពីពេលថ្មីៗនេះ។
ការគំរាមកំហែងមួយចំនួនអាចកើតឡើងពីសកម្មភាព របស់ប្លុកយោធាដែលដឹកនាំដោយសហរដ្ឋអាមេរិក ប៉ុន្តែរុស្ស៊ីនឹងត្រៀមខ្លួនជាស្រេច ដើម្បីដោះស្រាយបញ្ហាប្រឈមណា មួយចំពោះសន្តិសុខរបស់ខ្លួននេះ បើយោងតាមការបញ្ជាក់បន្ថែមដោយមេដឹកនាំរុស្សីរូបនេះ។
លោក Putin បាននិយាយថា៖យើងមិនចាត់ទុកថា អាវុធដែលកំពុងត្រូវបានបំពាក់ឡើងវិញនៅក្នុងប្លុកណាតូ ជាការគំរាមកំហែងដល់សហព័ន្ធរុស្ស៊ីទេ ពីព្រោះយើងមានភាពគ្រប់គ្រាន់ក្នុងការធានាសន្តិសុខផ្ទាល់ខ្លួនរបស់យើង ហើយយើងកំពុងធ្វើឱ្យប្រសើរឡើង ឥតឈប់ឈរនូវកងកម្លាំងប្រដាប់អាវុធ និងសមត្ថភាពការពាររបស់យើង។
មេដឹកនាំរុស្ស៊ីក៏បានទទូចដែរថា គ្មានការសង្ស័យទេ ដែលប្រទេសរុស្ស៊ី របស់យើងនឹងអាចប្រឈមមុខព្រមទាំងកាត់បន្ថយការគំរាមកំហែង ទាំងអស់ដែលអាចកើតឡើង
ប្រែសម្រួល៖ស៊ុនលី
