បរទេស៖ វេជ្ជបណ្ឌិតម្នាក់មកពីមន្ទីរពេទ្យទូទៅប៉ូលីស បានប្រាប់តុលាការកាលពីថ្ងៃសុក្រថា អតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា អាចត្រូវបានត្រឡប់ទៅមន្ទីរពេទ្យនៃនាយកដ្ឋានកែប្រែ វិញភ្លាមៗបន្ទាប់ពីការព្យាបាលដំបូង។
យោងតាមសារព័ត៌មាន បាងកក ប៉ុស្តិ៍ ចេញផ្សាយកាលពីថ្ងៃទី១៨ ខែកក្កដា ឆ្នាំ២០២៥ បានឱ្យដឹងថា វេជ្ជបណ្ឌិត Chana Jongchokdee ជាគ្រូពេទ្យប្រចាំការនៅយប់ថ្ងៃទី ២២ ខែសីហា ឆ្នាំ ២០២៣ បាននិយាយថា គាត់គឺជាមនុស្សដំបូងគេ ដែលបានពិនិត្យលោកថាក់ស៊ីន បន្ទាប់ពីគាត់ផ្ទេរចេញពីពន្ធនាគារ។
លោក ថាក់ស៊ីន មានស្ថានភាពសុខភាពពីមុន ច្រើន ហើយតម្រូវឱ្យមានការពិគ្រោះជាមួយគ្រូពេទ្យឯកទេសជំងឺបេះដូង។ ទោះបីជាការវះកាត់ត្រូវបានណែនាំក៏ដោយ ប៉ុន្តែលោកថាក់ស៊ីនបានបដិសេធ ។ លោកវេជ្ជបណ្ឌិត ចាន់ណា បានប្រាប់តុលាការព្រហ្មទណ្ឌ សម្រាប់សំណុំរឿងពុករលួយ និងប្រព្រឹត្តិខុស។
តុលាការកំពុងពិនិត្យមើលថា តើការកាត់ទោសដាក់ពន្ធនាគារ របស់លោកថាក់ស៊ីនត្រូវបានអនុវត្តយ៉ាងត្រឹមត្រូវឬយ៉ាងណា ដើម្បីឆ្លើយតបទៅនឹងការចោទប្រកាន់ថា លោកបានទទួលការព្យាបាលបែបអនុគ្រោះ និងមិនចាំបាច់ចំណាយពេលប្រាំមួយខែ នៅក្នុងមន្ទីរពេទ្យប៉ូលីស។
ប្រសិនបើតុលាការរកឃើញថា ការកាត់ទោសមិនបានអនុវត្តបានត្រឹមត្រូវ នោះអាចបង្គាប់ឱ្យគាត់រាយការណ៍ទៅពន្ធនាគារ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
