ពលរដ្ឋខ្មែរជាង ១០០នាក់ វិលពីប្រទេសថៃ មកស្រុកកំណើតវិញ

ភ្នំពេញ៖ តាមការដឹងពីក្រុមការងារ ចត្តាឡីស័ក មណ្ឌលព្រះមុនីវង្ស ក្រុងបាត់ដំបង សម្រាប់ថ្ងៃទី១០ ខែឧសភា ឆ្នាំ២០២០ មានប្រជាពលរដ្ឋខ្មែរនិវត្តន៍ ពីប្រទេសថៃមកកាន់ស្រុកកំណើតវិញ តាមច្រកអូរបីជាន់ មានចំនួន១៣៦នាក់ ។

ក្នុងនោះស្រីចំនួន៦៣ នាក់ ដែលមានគោលដៅ ទៅកាន់ខេត្តចំនួន១៣ ក្នុងប្រទេសកម្ពុជា ក្នុងនោះមានខេត្តបាត់ដំបង ចំនួន ៣៥នាក់ដែរ ។

នេះបើតាមសេចក្តីរាយការណ៍ ពីមន្ទីរព័ត៌មានខេត្តបាត់ដំបង ជម្រាបមកលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន៕