សហភាពអឺរ៉ុប សន្យាផ្តល់មូលនិធិបន្ថែមទៀត សម្រាប់សន្តិសុខព្រំដែនហ្វាំងឡង់ និងផែនការជញ្ជាំងការពារដោយយន្តហោះដ្រូន

ហែលស៊ីនគី៖ សហភាពអឺរ៉ុប  នឹងបង្កើនការគាំទ្រផ្នែកហិរញ្ញវត្ថុ និងប្រតិបត្តិការសម្រាប់សន្តិសុខ ព្រំដែនភាគខាងកើតនៃប្រទេសហ្វាំងឡង់ រួមទាំងផែនការបង្កើត “ជញ្ជាំងការពារដោយយន្ដហោះដ្រូន” នៅតាមបណ្តោយព្រំដែន នេះបើតាមស្នងការសហភាពអឺរ៉ុបទទួលបន្ទុកកិច្ចការផ្ទៃក្នុង និងការធ្វើចំណាកស្រុកលោក Magnus Brunner បានឲ្យដឹងក្នុងអំឡុងដំណើរទស្សនកិច្ច ទៅកាន់ហ្វាំងឡង់កាលពីថ្ងៃចន្ទ។

លោក Brunner បានកត់សម្គាល់ថា គណៈកម្មការអឺរ៉ុបបានផ្តល់ហិរញ្ញប្បទាន ដល់ប្រទេសហ្វាំងឡង់ចំនួន ៨០ លានអឺរ៉ូ (៩៤.០៩ លានដុល្លារអាមេរិក) រួចហើយនៅក្នុងការផ្តល់មូលនិធិគោលដៅក្នុងរយៈពេល ២ ឆ្នាំកន្លងមកនេះ។ លើសពីនេះ ទីភ្នាក់ងារការពារព្រំដែន និងឆ្នេរសមុទ្រអឺរ៉ុប (Frontex) កំពុងចាប់ផ្តើមកម្មវិធីបរិក្ខារតម្លៃ ១៥០ លានអឺរ៉ូ ដែល ៩០ ភាគរយផ្តល់មូលនិធិពីសហភាពអឺរ៉ុប ភាគច្រើនសម្រាប់យន្តហោះគ្មានមនុស្សបើក ។

យោងតាមសេចក្តីប្រកាសព័ត៌មាន របស់រដ្ឋាភិបាលហ្វាំងឡង់ គណៈកម្មាធិការបានស្នើឱ្យបែងចែកប្រាក់ចំនួន ១.៦ ពាន់លានអឺរ៉ូ សម្រាប់វិស័យកិច្ចការផ្ទះរបស់ប្រទេសហ្វាំងឡង់ ក្រោមក្របខណ្ឌហិរញ្ញវត្ថុពហុឆ្នាំបន្ទាប់របស់អឺរ៉ុប ដែលចាប់ផ្តើមនៅឆ្នាំ២០២៨ ពោលគឺជិតមួយពាន់លានអឺរ៉ូ ច្រើនជាងក្នុងរយៈពេលបច្ចុប្បន្ន។ អាទិភាពភ្លាមៗរួមមានការពង្រឹង សមត្ថភាពយន្តហោះគ្មានមនុស្សបើក និងប្រឆាំងយន្តហោះគ្មានមនុស្សបើក សម្រាប់ការគ្រប់គ្រងព្រំដែន។

លោក បានលើកឡើងបន្ទាប់ពីជួបជាមួយ រដ្ឋមន្ត្រីមហាផ្ទៃហ្វាំងឡង់លោកស្រី Mari Rantanen ថា អឺរ៉ុប កំពុងធ្វើការលើ Eastern Flank Watch ដើម្បីពង្រឹងការឃ្លាំមើលតាមពេលវេលា ជាក់ស្តែងនៃរដ្ឋជាសមាជិកជាប់ព្រំដែនរុស្ស៊ី រួមទាំងការបង្កើត “ជញ្ជាំងយន្តហោះគ្មានមនុស្សបើក” ដែលត្រូវបានគេរំពឹងថា នឹងដឹកជញ្ជូនក្នុងរយៈពេលពីរឆ្នាំខាងមុខ ៕

ប្រែសម្រួល ឈូក បូរ៉ា