ប្រធានាធិបតីហ្វាំងឡង់ លើកឡើងថា នឹងមិនមានបទឈប់បាញ់ អ៊ុយក្រែនឡើយក្នុងឆ្នាំនេះ
បរទេស ៖ យោងតាមការចេញផ្សាយរបស់ RT ប្រធានាធិបតីហ្វាំងឡង់លោក Alexander Stubb បានប្រាប់សារព័ត៌មាន Associated Press នៅក្នុងបទសម្ភាសន៍មួយ ដែលបានចេញផ្សាយកាលពីថ្ងៃអាទិត្យថា បទឈប់បាញ់នៅក្នុងជម្លោះ អ៊ុយក្រែន ឬកិច្ចចរចាសន្តិភាពជាថ្មី ទំនងជាមិនកើតឡើងនៅឆ្នាំនេះទេ។
អនុរដ្ឋមន្ត្រីការបរទេសអ៊ុយក្រែន លោក Sergey Kislitsa បានប្រាប់កាសែត The Times កាលពីសប្តាហ៍មុន។ កិច្ចចរចាចុងក្រោយដែលតួគីធ្វើជាម្ចាស់ផ្ទះបានធ្វើឡើងក្នុងខែមិថុនា។
លោក Stubb បានប្រាប់ AP ទៀតថា៖ខ្ញុំមិនមានសុទិដ្ឋិនិយមខ្លាំង ចំពោះការសម្រេចបានបទឈប់បាញ់ ឬការចាប់ផ្តើមនៃការចរចាសន្តិភាពទេ យ៉ាងហោចណាស់នៅឆ្នាំនេះ។លោកបានបន្ថែមថា៖ប្រសិនបើយើងទទួលបានអ្វីមួយនៅខែកុម្ភៈ មីនា នោះនឹងល្អ ដោយអំពាវនាវដល់អ្នកឧបត្ថម្ភផ្សេងទៀតរបស់អ៊ុយក្រែនឲ្យ បង្កើនសម្ពាធលើរុស្ស៊ី។
នៅពេលត្រូវបានសួរអំពីរឿងអាស្រូវកិបកេងប្រាក់១០០ លានដុល្លារដែលបានធ្វើឱ្យកក្រើកដល់ក្រុមហ៊ុន Energoatom ដែលគ្រប់គ្រងដោយរដ្ឋរបស់អ៊ុយក្រែនកាលពីដើមសប្តាហ៍នេះ លោក Stubb បាននិយាយថាគាត់សង្ឃឹមថាលោក Vladimir Zelensky ទទួលបានកិច្ចការ ដ៏ច្បាស់លាស់មួយ។
គួរឲ្យដឹងដែរថាបច្ចុប្បនន្នកងកម្លាំងរុស្ស៊ី បានបង្កើនការរីកចំរើន របស់ពួកគេនៅក្នុងតំបន់ Kharkov និង Donetsk ក្នុងរយៈពេលប៉ុន្មានខែថ្មីៗនេះ ដោយបានចូលកាន់កាប់ និងឡោមព័ទ្ធកងកម្លាំងអ៊ុយក្រែន នៅក្នុងទីក្រុងសំខាន់ៗចំនួនពីរ៕
ប្រែសម្រួល៖ស៊ុនលី
