ប៉េកាំង៖ ខណៈពេលដែលភាពតានតឹង របស់ចិនជាមួយសហរដ្ឋអាមេរិក និងអូស្រ្តាលី បាននិងកំពុង ពង្រឹងកាន់តែខ្លាំងឡើងៗ លើការគ្រប់គ្រងរបស់ខ្លួន ចំពោះការផ្ទុះឡើងនៃជំងឺកូវីដ-១៩ មហាអំណាចអាស៊ី បានផ្តោតលើការជំរុញ ទំនាក់ទំនងជាមួយប្រទេសជិតខាង គឺជប៉ុន និងកូរ៉េខាងត្បូង។
នៅពេលដែលទំនាក់ទំនង ជាមួយទីក្រុងវ៉ាស៊ីនតោន ត្រូវបានគេរំពឹងថានឹងកាន់តែអាក្រក់ទៅៗ រហូតដល់ការបោះឆ្នោត ប្រធានាធិបតីសហរដ្ឋអាមេរិក នៅចុងឆ្នាំនេះ ទីក្រុងប៉េកាំងកំពុងធ្វើឱ្យមានភាព រួសរាយរាក់ទាក់ឆ្ពោះទៅទីក្រុងតូក្យូ និងសេអ៊ូល ដោយសំឡឹងមើលការងើបឡើងវិញ នៃសេដ្ឋកិច្ចបន្ទាប់ពីការរាតត្បាត។
អ្នកជំនាញការបរទេសជាច្រើន កំពុងឃ្លាំមើលយ៉ាងយកចិត្តទុកដាក់នូវគោលនយោបាយ ការបរទេសប្រភេទណា ដែលប្រទេសចិន នឹងអនុម័តនៅឯសម័យប្រជុំប្រចាំឆ្នាំ ដែលត្រូវបានពន្យារពេល នៃសភារបស់ប្រទេស គឺសមាជប្រជាជនជាតិដែលគ្រោងនឹងកោះប្រជុំ នៅថ្ងៃសុក្រសប្តាហ៍ក្រោយ។
ថ្មីៗនេះរដ្ឋបាលរបស់ ប្រធានាធិបតីអាមេរិកលោក ដូណាល់ ត្រាំ បានចោទប្រកាន់ទីក្រុងប៉េកាំងថា មិនបានទប់ស្កាត់ការរីករាលដាល នៃវីរុសដែលត្រូវបានរកឃើញដំបូងកាលពីចុងឆ្នាំមុន នៅទីក្រុង Wuhan ភាគកណ្តាលប្រទេសចិន និងមិនចែករំលែកព័ត៌មានពាក់ព័ន្ធក្នុង លក្ខណៈទាន់ពេលវេលា៕
ដោយ ឈូក បូរ៉ា
