ឥណ្ឌានិងរុស្ស៊ី កំពុងពិភាក្សា សម្រាប់ការផលិត យន្តហោះចម្បាំង Su-57 រួមគ្នា
បរទេស៖ ប្រទេសឥណ្ឌា និងរុស្ស៊ីកំពុងពិភាក្សាគ្នាអំពីការផលិតយន្តហោះចម្បាំង Sukhoi Su-57 ជំនាន់ទីប្រាំ។
យោងតាមសារព័ត៌មាន RT ចេញផ្សាយនៅថ្ងៃទី២០ ខែវិច្ឆិកា ឆ្នាំ២០២៥ បានឱ្យដឹងថា ការអភិវឌ្ឍន៍នេះត្រូវបានបង្ហាញ ដោយឯកអគ្គរដ្ឋទូតរុស្ស៊ី ប្រចាំប្រទេសឥណ្ឌា លោក Denis Alipov ក្នុងបទសម្ភាសន៍ជាមួយ TASS កាលពីថ្ងៃព្រហស្បតិ៍។
លោក Denis បាននិយាយថា “ការងារដែលពឹងផ្អែកខ្លាំងកំពុងដំណើរ ការនៅទូទាំងតំបន់ជាច្រើន រួមទាំងវេទិកា Su-57E ដែលអាចប្រើប្រាស់ដើម្បីអនុវត្តកម្មវិធីរបស់ប្រទេសឥណ្ឌាសម្រាប់ការអភិវឌ្ឍយន្តហោះចម្បាំងជំនាន់ទី 5 របស់ខ្លួន។
លោក Denis បាននិយាយថា អត្ថប្រយោជន៍ប្រកួតប្រជែងរបស់រុស្ស៊ីស្ថិតនៅក្នុងកម្រិតដែលមិនធ្លាប់មានពីមុនមកនៃការផ្ទេរបច្ចេកវិទ្យា និងការធ្វើមូលដ្ឋានីយកម្មនៃផលិតកម្ម ស្របតាមគំនិតផ្តួចផ្តើម ‘Make in India’ និង ‘Self-Reliant India’ ។
ក្រុមហ៊ុននាំចេញសព្វាវុធរដ្ឋរបស់រុស្ស៊ី Rosoboronexport តាមសេចក្តីរាយការណ៍ បានធ្វើបទបង្ហាញអំពីសមត្ថភាពមុខងារ របស់ខ្លួនដល់ប្រព័ន្ធផ្សព្វផ្សាយឥណ្ឌានៅ Dubai Airshow ៕
ប្រែប្រួលៈ ណៃ តុលា
