ប្រធានាធិបតីម៉ិកស៊ិក អះអាងជាថ្មី អំពីឯករាជ្យភាព និងអធិបតេយ្យភាព របស់ប្រទេស
ម៉ិកស៊ិក៖ ប្រធានាធិបតីម៉ិកស៊ិក លោកស្រី Claudia Sheinbaum បានឧ្យដឹងថា ប្រទេសម៉ិកស៊ិក រក្សាជំហររឹងមាំ និងមិនរង្គោះរង្គើក្នុង ការការពារឯករាជ្យភាព និងអធិបតេយ្យភាពរបស់ខ្លួន។
ប្រធានាធិបតីបានបញ្ជាក់ថា អធិបតេយ្យភាព ជាតិមិនមានហានិភ័យទេ ហើយបានបដិសេធលទ្ធភាពណាមួយ ដែលប្រទេសនេះក្លាយជាអាណានិគម ឬអាណាព្យាបាល របស់មហាអំណាចបរទេសណាមួយម្តងទៀត ក្នុងអំឡុងពេលរំលឹកខួបលើកទី១០៩ នៃរដ្ឋធម្មនុញ្ញឆ្នាំ១៩១៧ ដែលបានប្រារព្ធឡើងនៅរដ្ឋ Queretaro កណ្តាល ចម្ងាយប្រហែល ២០០គីឡូម៉ែត្រពីទីក្រុងម៉ិកស៊ិក។
លោក Sheinbaum បានលេីកឡេីងថា “ម៉ិកស៊ិកនឹងមិនវិលត្រឡប់ទៅរករបបឯកសិទ្ធិ និងអំពើពុករលួយវិញទេ។ ម៉ិកស៊ិក នឹងមិនវិលត្រឡប់ទៅរកការក្លាយជាអាណានិគម ឬអាណាព្យាបាលរបស់នរណាម្នាក់ឡើយ។ ហើយម៉ិកស៊ិក នឹងមិនដែលបោះបង់ចោលធនធានធម្មជាតិរបស់ខ្លួនឡើយ”។
លោក Sheinbaum បានបន្ដថា “ម៉ិកស៊ិកមិនឱនក្បាល មិនលុតជង្គង់ មិនចុះចាញ់ និងមិនលក់ខ្លួនឡើយ” ខណៈពេលដែលបញ្ជាក់ជាថ្មីអំពីគោលការណ៍ ប្រវត្តិសាស្ត្រនៃឯករាជ្យភាពជាតិ៕
ប្រែសម្រួល ឈូក បូរ៉ា
