និស្សិតរុស្ស៊ីម្នាក់ បាញ់ប្រហារនៅក្នុង មហាវិទ្យាល័យមួយក្នុងទីក្រុង Anapa សម្លាប់សន្តិសុខម្នាក់ និងរបួសជាច្រើននាក់
បរទេស៖ និស្សិតម្នាក់បានបើកការ បាញ់ប្រហារនៅមហាវិទ្យាល័យបច្ចេកទេសមួយ ក្នុងទីក្រុងរមណីយដ្ឋានសមុទ្រខ្មៅ របស់រុស្ស៊ីឈ្មោះ Anapa កាលពីថ្ងៃពុធ ដោយបានសម្លាប់ឆ្មាំសន្តិសុខម្នាក់ និងបណ្តាលឱ្យរបួសជាច្រើននាក់ទៀត មុនពេលត្រូវបានឃុំខ្លួន នេះបើយោងតាមអាជ្ញាធរមូលដ្ឋាន, នេះបើយោងតាមរបាយការណ៍ របស់សាខាតំបន់នៃក្រសួងមហាផ្ទៃរុស្ស៊ី ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែកុម្ភៈ ឆ្នាំ២០២៦ បានឱ្យដឹងថា អភិបាលតំបន់ Krasnodar លោក Veniamin Kondratiev បានបញ្ជាក់ថា មនុស្សម្នាក់បានស្លាប់នៅក្នុងការវាយប្រហារនេះ។ លោកបានសរសេរនៅលើ Telegram ថា “នៅពេលនេះ មានមនុស្សម្នាក់បានស្លាប់ ដែលជាឆ្មាំសន្តិសុខម្នាក់ដែលជាអ្នកដំបូងដែលទទួលការវាយប្រហារ។ លោកបានឆ្លើយតបយ៉ាងរហ័ស ហើយបានទូរស័ព្ទទៅអាជ្ញាធរអនុវត្តច្បាប់។ គាត់មិនបានអនុញ្ញាតឱ្យអ្នក វាយប្រហារចូលទៅក្នុងមហាវិទ្យាល័យបន្ថែមទៀតទេ”។ លោក Kondratiev បានសម្តែងការចូលរួមរំលែកទុក្ខ យ៉ាងជ្រាលជ្រៅ ចំពោះក្រុមគ្រួសារឆ្មាំដែលត្រូវបានសម្លាប់។
អភិបាលរដ្ឋបាននិយាយថា យោងតាមព័ត៌មានបឋម មនុស្សពីរនាក់បានរង របួសកម្រិតមធ្យម ដោយកត់សម្គាល់ថា ចំនួនអ្នកស្លាប់ និងរបួសនៅតែត្រូវបានកំណត់ ។ ប្រព័ន្ធផ្សព្វផ្សាយរុស្ស៊ីផ្សេងទៀត រួមទាំង RIA Novosti និងប៉ុស្តិ៍ Telegram Mash and Baza បានរាយការណ៍ថា យ៉ាងហោចណាស់មានមនុស្ស បីនាក់បានរងរបួស៕
ប្រែសម្រួលៈ ណៃ តុលា
