អ៊ីរ៉ង់ និយាយថា ជំនួបគ្នានៅសន្និសិទ សន្តិសុខទីក្រុង Munich បានត្រឹមក្លាយទៅជាទីកន្លែង សម្តែងសៀកប៉ុណ្ណោះ
បរទេស ៖ យោងតាមការចេញផ្សាយរបស់ RT រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា ជំនួបប្រជុំគ្នា នៅសន្និសីទសន្តិសុខទីក្រុង Munich (MSC) ដែលធ្លាប់ជាព្រឹត្តិការណ៍អន្តរជាតិ ដ៏ធ្ងន់ធ្ងរមួយ បានក្លាយទៅជាកន្លែងសម្តែងសៀកដែលដាក់ ការអនុវត្តលើសពីខ្លឹមសារ។
អ្នករៀបចំឆ្នាំនេះ បានលប់ចោលការអញ្ជើញសម្រាប់មន្ត្រីជាន់ខ្ពស់អ៊ីរ៉ង់ បន្ទាប់ពីកុប្បកម្មហឹង្សាដែលបានកាន់កាប់សាធារណរដ្ឋអ៊ីស្លាម។
ផ្ទុយទៅវិញ MSC បានអញ្ជើញលោក Reza Pahlavi ដែលជាកូនប្រុសនិរទេសខ្លួនរបស់ shah ដែលគាំទ្រដោយសហរដ្ឋអាមេរិកចុងក្រោយរបស់អ៊ីរ៉ង់ ដែលត្រូវបានផ្តួលរំលំក្នុងបដិវត្តន៍អ៊ីស្លាមឆ្នាំ១៩៧៩ មកចូលរួមជំនួសវិញ។
លោកPahlavi បានប្រើឱកាសនេះ ដើម្បីអំពាវនាវឱ្យលោកខាងលិច នាំមកនូវការផ្លាស់ប្តូររបបនៅក្នុងប្រទេសអ៊ីរ៉ង់ ចូលរួមក្នុងការប្រមូលផ្តុំមួយ និងផ្តល់បទសម្ភាសន៍ដល់ Reuters ដោយជំរុញឱ្យសហរដ្ឋអាមេរិក ទម្លាក់គ្រាប់បែកលើប្រទេសរបស់គាត់ជំនួសឱ្យការចរចា៕
ប្រែសម្រួល៖ស៊ុនលី
