ថ្នាក់ដឹកនាំបរទេស និងអ្នកទទួលខុសត្រូវអង្គការអន្តរជាតិផ្ញើសារលិខិតអបអរសាទរបុណ្យចូលឆ្នាំថ្មីប្រពៃណីចិនឆ្នាំមមី
ពេលថ្មីៗនេះ ថ្នាក់ដឹកនាំបរទេស និងអ្នកទទួលខុសត្រូវអង្គការអន្តរជាតិជាច្រើនបានផ្ញើសារលិខិតជូនចំពោះលោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានរដ្ឋចិន ដើម្បីជូនពរប្រជាជនចិនក្នុងពិធីបុណ្យចូលឆ្នាំថ្មីប្រពៃណីចិនឆ្នាំមមី។
សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភាកម្ពុជាបានជឿជាក់យ៉ាងមុតមាំថា ឆ្នាំថ្មីឆ្នាំមមីនឹងបង្កើនចំណងមិត្តភាពដែកថែបរវាងកម្ពុជានិងចិន ដោយបំពេញបន្ថែមកម្លាំងចលករយ៉ាងខ្លាំងក្លាទៅក្នុងការពង្រឹងទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរ និងជំរុញការកសាងសហគមន៍វាសនារួមកម្ពុជា-ចិនគ្រប់រដូវកាលក្នុងយុគសម័យថ្មី។
លោកPutin ប្រធានាធិបតីរុស្ស៊ីបានផ្ញើការជូនពរយ៉ាងស្មោះស្ម័គ្របំផុតជូនចំពោះលោក Xi Jinping ប្រធានរដ្ឋចិន ដោយបានថ្លែងថា ក្នុងរយ:ពេល ១ ឆ្នាំកន្លងមកនេះ ទំនាក់ទំនងភាពជាដៃគូកិច្ចសម្របសម្រួលជាយុទ្ធសាស្រ្តគ្រប់ជ្រុងជ្រោយក្នុងយុគសម័យថ្មីរវាងរុស្ស៊ីនិងចិនបានរក្សាការអភិវឌ្ឍដ៏ល្អប្រសើរ ព្រមនិងទទួលបានសមិទ្ធផលផ្លែផ្កាគួរជាទីគាប់ចិត្តជាច្រើន គម្រោងកិច្ចសហប្រតិបត្តិការសំខាន់ៗបានដំណើរការជាលំដាប់ រុស្ស៊ីនិងចិនសម្រេចការលើកលែងទិដ្ឋការ រៀបចំធ្វើសកម្មភាពឆ្នាំវប្បធម៌ដោយជោគជ័យ ហើយរុស្ស៊ី និងចិននឹងរួមគ្នាចាប់ដំណើរការ “ឆ្នាំអប់រំរុស្ស៊ីនិងចិន”ក្នុងឆ្នាំ២០២៦ ។ លោកសូមជូនពរប្រជាជនចិនឲ្យមានសុខសុភមង្គលនិងសុខភាពល្អបរិបូណ៌ សម្រេចអ្វីៗដូចបំណងប្រាថ្នា៕
