ភាពរស់រវើកនៃ AI ក្នុងកម្មវិធីរាត្រីសមោសរ ទទួលអំណរឆ្នាំមមីបង្ហាញពីបច្ចេកវិទ្យា និងសិល្បៈចិនកាន់តែអច្ឆរិយៈ
«រាត្រីសមោសរទទួលអំណរឆ្នាំថ្មីប្រពៃណីចិន» ដែលបានចាប់កំណើតតាំងពីឆ្នាំ១៩៨៣ គឺជាជំហាននៃនវានុវត្តវប្បធម៌របស់ចិននាសម័យទំនើបរបស់អគ្គស្ថានីយវិទ្យុនិងទូរទស្សន៍មជ្ឈិមចិន ហើយបានពាំនាំដែលមិនត្រឹមតែក្តីសង្ឃឹមដល់ប្រជាជាតិចិន ដែលបាននិងកំពុងត្រៀមខ្លួនរួចរាល់ទទួលអំណរឆ្នាំថ្មីប៉ុណ្ណោះទេ ថែមទាំងបានក្លាយជាវេទិកាសំខាន់មួយពីមួយដំណាក់កាលទៅមួយដំណាក់កាល សម្រាប់ការរួមបញ្ចូលបច្ចេកវិទ្យាទៅក្នុងទម្រង់ពហុចម្រុះនៃវប្បធម៌ប្រពៃណីចិន ក្នុងយុគសម័យថ្មី។
បទពិសោធន៍សម្បូរបែបនិងភាពច្នៃប្រឌិត នៃវិទ្យាសាស្រ្តបច្ចេកវិទ្យារបស់ចិនត្រូវបានរំលេចបញ្ចូលទៅក្នុងកម្មវិធីសម្តែងសិល្បៈក្នុងរាត្រីសមោសរនេះ សម្រាប់បញ្ជាក់ពីសក្ខីភាពនូវទំហំសុភមង្គល កម្រិតវិបុលភាពជីវភាពរបស់ប្រជាជនចិនដល់ពិភពលោកទាំងមូល។ តាមរយៈការបង្ហាញសិល្បៈប្រកបដោយភាពច្នៃប្រឌិតនេះ ប្រជាជនចិនរួមជាមួយជនបរទេសបានទស្សនាយ៉ាងរីករាយនិងពោរពេញដោយក្តីសង្ឃឹមចំពោះអនាគតដ៏ភ្លឺស្វាងរបស់ប្រទេសចិនក្រោមការដឹកនាំប្រកបដោយត្រីវិស័យដ៏ត្រឹមត្រូវក្រៃលែងរបស់បក្សកុម្មុយនិស្តចិន។
«រាត្រីសមោសរទទួលអំណរឆ្នាំថ្មីប្រពៃណីចិន» ដែលជាកម្មវិធីអាទិភាពសំខាន់មួយរបស់នៃអគ្គស្ថានីយវិទ្យុ និងទូរទស្សន៍មជ្ឈិមចិននៃរាត្រីមុនការមកដល់ឆ្នាំថ្មី តែងបានទាក់ទាញអារម្មណ៍របស់ប្រជាជនចិនក្នុងចរន្ត នៃវិញ្ញាណសាមគ្គីភាពក្នុងគ្រួសារ ភាពសប្បាយរីករាយជាមួយមិត្តភក្តិ និងមោទកភាពជាតិក្នុងភាពលន្លង់លន្លោចតាមរយៈការសម្តែងសិល្បៈដោយបានរួមបញ្ចូលបច្ចេកវិទ្យាAI។
ឆាកសម្តែងឆ្នាំ២០២៦នៃរាត្រីសមោសរទទួលអំណរឆ្នាំមមី ប្រទេសចិនបានបញ្ចូលបច្ចេកវិទ្យាសម្រាប់បង្កើតទិដ្ឋភាពទាក់ទាញ និងទំនិញភាពបែបនវានុវត្តថ្មីៗ ដូចជា មនុស្សយន្តឆ្លាតវៃដែលសម្តែងរបាំ សម្តែងក្បាច់គុនបុរាណចិន ការតម្លើងសិល្បៈដែលមានលំនាំរូបសេះរាប់ពាន់ក្បាលរត់ក្នុងទម្រង់ដ៏ស្វាហាប់ ក្នុងល្បឿនដ៏លឿនក្នុងដែនដីរបស់ប្រទេសចិនពោរពេញដោយបៃតងភាពស្របតាមរបៀបវារៈនៃការអភិវឌ្ឍប្រកបដោយចីរភាពរបស់អង្គការសហប្រជាជាតិ ដោយនេះមិនត្រឹមបង្ហាញពីវឌ្ឍនភាពបច្ចេកវិទ្យាថ្មីរបស់ប្រទេសចិនប៉ុណ្ណោះទេ ថែមទាំងរំលេចពីអំណាចសុខដុមនីយកម្មដ៏ខ្លាំងក្លា របស់ប្រជាជាតិចិនតាមរយៈសូចនាករដែលបានគូសបញ្ជាក់ក្នុងឆ្នាំ២០២៥ថា មានប្រមាណជាង $១៣,៩០០ដុល្លារអាមេរិក ហើយកំពុងបន្តកំណើនតាមរយៈផែនការជាតិ៥ឆ្នាំលើកទី១៥ ដែលប្រទេសចិនកំពុងអនុវត្តចាប់ពីឆ្នាំ២០២៦នេះ។
«រាត្រីសមោសរទទួលអំណរឆ្នាំថ្មីប្រពៃណីចិន» ឆ្នាំ២០២៦ ឆ្នាំមមី តាមរយៈបច្ចេកវិទ្យា AI នោះអ្នកបច្ចេកទេស និងសិល្បករចិនអាចបង្កើតសិល្បៈដែលផ្លាស់ប្ដូរបានដោយស្វ័យប្រវត្តិ ដើម្បីឆ្លើយតបទៅនឹងបរិយាកាស និងការចូលរួមរបស់ទស្សនិកជន។ វិធីសាស្ត្ររបស់អគ្គស្ថានីយវិទ្យុនិងទូរទស្សន៍មជ្ឈិមចិននេះមិនត្រឹមបង្កើនភាពទាក់ទាញនៃកម្មវិធីទេ ថែមទាំងបង្កើនឱកាសឲ្យសិល្បករ និងអ្នកបច្ចេកទេសមានសេរីភាពក្នុងការបង្ហាញនូវការច្នៃប្រឌិតថ្មីៗ បែបដែលស្របទៅនឹងបច្ចេកវិទ្យា និងវប្បធម៌ក្នុងយុគសម័យសតវត្សរ៍ទី២១ ដែលជាសតវត្សរ៍ចិនទៀតផង។ ជាតថភាព បច្ចេកវិទ្យា AI បានចូលរួមក្នុងគ្រប់ទិដ្ឋភាពទាំងអស់របស់ប្រទេសចិន លើគ្រប់វិស័យ លើគ្រប់មុខងារ ហើយបានឆក់ស្រូបទាញយកដួងចិត្តរបស់មនុស្សជាតិតាមរយៈការបញ្ចូលទៅក្នុងសិល្បៈចិន ដែលលទ្ធភាពនេះបានជះឥទ្ធិពលយ៉ាងខ្លាំងដល់សង្គមមនុស្សជាតិដោយវាមិនត្រឹមបង្កើតបរិយាកាសសប្បាយរីករាយ និងជួយពង្រឹងការតភ្ជាប់សហគមន៍នៅក្នុងប្រទេសចិនប៉ុណ្ណោះទេ ថែមទាំងបាននាំមនុស្សជាតិយល់កាន់តែស៊ីជម្រៅពីការអភិវឌ្ឍ ប្រកបដោយគុណភាពខ្ពស់ដូចទៅនឹងលទ្ធផលនៃការអនុវត្តផែនការអភិវឌ្ឍន៍ជាតិ ៥ឆ្នាំទី១៤ ដោយមិនត្រឹមបង្ហាញពី«ទំហំ»នៃទិន្នន័យអភិវឌ្ឍន៍សេដ្ឋកិច្ចជាតិចិនក្នុងកំណើន៥%ប៉ុណ្ណោះទេ ថែមទាំងផ្តោតយ៉ាងសំខាន់លើ «គុណភាព»នៃការអភិវឌ្ឍសេដ្ឋកិច្ច និងជំរុញការអភិវឌ្ឍដោយគ្រប់ជ្រុងជ្រោយរបស់មនុស្សជាតិ បន្តបោះជំហានឆ្ពោះទៅមុខឈានទៅសម្រេចបានគោលដៅដ៏មហិមាស្តីពីការធ្វើទំនើបកម្មតាមបែបផែនចិន។
ជារួម «រាត្រីសមោសរទទួលអំណរឆ្នាំថ្មីប្រពៃណីចិន ឆ្នាំមមី» ដែលបានរៀបចំឡើងដោយអគ្គស្ថានីយវិទ្យុនិងទូរទស្សន៍មជ្ឈិមចិន ជាគំរូល្អនៃការរួមបញ្ចូលបច្ចេកវិទ្យា និងវប្បធម៌ប្រពៃណី ដោយបញ្ជាក់យ៉ាងច្បាស់ថា បច្ចេកវិទ្យា AI បាននិងកំពុងក្លាយជាឧបករណ៍សំខាន់ក្នុងការរក្សា និងបង្កើនតម្លៃវប្បធម៌បុរាណ កែលម្អឧត្តមានុភាពជាតិចិន និងបង្កើនទំនាក់ទំនងសកលនៅលើឆាកអន្តរជាតិ។
ជាសច្ចភាពដែលយើងមិនអាចប្រកែកបាន នោះគឺ«រាត្រីសមោសរទទួលអំណរឆ្នាំថ្មីប្រពៃណីចិន»ដែលមិនត្រឹមតែជាការបង្ហាញសិល្បៈប៉ុណ្ណោះទេ ថែមទាំងជាវេទិកាដ៏មានតម្លៃសម្រាប់ការបង្រៀន ការច្នៃប្រឌិត និងការផ្សព្វផ្សាយវប្បធម៌ចិនទៅកាន់សហគមន៍មនុស្សជាតិដែលកំពុងទទួលអំណរជាមួយជនជាតិចិន៕
ដោយ៖ បណ្ឌិត ជា មុនីឫទ្ធិ| ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន
