លោក Khamenei លើកឡើងថាលោក Trump នឹងមិនបំផ្លាញប្រទេសអ៊ីរ៉ង់នោះទេ
បរទេស៖យោងតាមការចេញផ្សាយរបស់ RT មេដឹកនាំកំពូល អ៊ីរ៉ង់លោក Ayatollah Ali Khamenei បានស្តីបន្ទោសការ កត់សម្គាល់ របស់ប្រធានាធិបតីអាមេរិក Donald Trump ស្តីពី ការផ្លាស់ប្តូររបបនៅទីក្រុង Tehran ដោយបញ្ជាក់ថា មេដឹកនាំអាមេរិកនឹងមិនជោគជ័យ ក្នុងការបំផ្លាញប្រទេស ដូចអ្នកកាន់តំណែងមុន របស់គាត់បានបរាជ័យ នៅចំពោះមុខគាត់នោះទេ។
ខណៈពេលដែលសហរដ្ឋអាមេរិក កំពុងដាក់សម្ពាធលើប្រទេសអ៊ីរ៉ង់ឱ្យបោះបង់ចោលកម្មវិធីនុយក្លេអ៊ែររបស់ខ្លួន និងទទួលយកគោលនយោបាយ ការបង្កើន កម្រិតសូន្យ នោះ ទីក្រុងតេហរ៉ង់បានទទូចថា សកម្មភាពបែបនេះគឺជាសិទ្ធិរបស់ខ្លួន។
កាលពីសប្តាហ៍មុន ខណៈកម្លាំងយោធាអាមេរិកទំហំធំមួយបានប្រមូលផ្តុំគ្នានៅឈូងសមុទ្រពែរ លោក Trump បាននិយាយថា ការផ្លាស់ប្តូររបបនៅក្នុងប្រទេសអ៊ីរ៉ង់នឹងជារឿងល្អបំផុតដែលអាចកើតឡើង។
នៅក្នុងសុន្ទរកថា តាមទូរទស្សន៍កាលពីថ្ងៃអង្គារ នៅពេលដែលអ្នកតំណាងនៃទីក្រុងវ៉ាស៊ីនតោន និងទីក្រុងតេហរ៉ង់ បានជួបប្រជុំគ្នាសម្រាប់កិច្ចចរចានុយក្លេអ៊ែរនៅទីក្រុងហ្សឺណែវ លោក Khamenei បានប្រកាសថាសហរដ្ឋអាមេរិកនឹងមិនជោគជ័យក្នុងកិច្ចខិតខំប្រឹងប្រែងរបស់ខ្លួនក្នុងការបំផ្លាញប្រទេសនោះទេ។
គួរឲ្យដឹងដែរថាភាពតានតឹងរវាងទីក្រុងវ៉ាស៊ីនតោន និងទីក្រុងតេហរ៉ង់ បានកើនឡើងខ្ពស់ចាប់តាំងពីខែមិថុនាឆ្នាំមុន នៅពេលដែល សហរដ្ឋអាមេរិក បានទម្លាក់គ្រាប់បែក នុយក្លេអ៊ែរ របស់ប្រទេសនេះនៅចុងបញ្ចប់ នៃសង្គ្រាមរយៈពេល ១២ថ្ងៃរវាងអ៊ីស្រាអែល និងអ៊ីរ៉ង់ ។ ទីក្រុងវ៉ាស៊ីនតោន បានដាក់ពង្រាយទ្រព្យសម្បត្តិកងទ័ពជើងទឹក និងអាកាសបន្ថែម ទៅកាន់មជ្ឈិមបូព៌ា រួមទាំងនាវាផ្ទុកយន្តហោះទីពីរផងដែរ៕
ប្រែសម្រួល៖ស៊ុនលី
