កំណើនផលិតផលក្នុងស្រុក សរុបរបស់ប្រទេសប្រេស៊ីល ទទួលបាន២,៥ភាគរយ កាលពីឆ្នាំ២០២៥
By
Posted on
បរទេស ៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថា ផលិតផលក្នុងស្រុកសរុបឬGDP របស់ប្រទេសប្រេស៊ីល បានកើនឡើង២,៥ ភាគរយក្នុងឆ្នាំ២០២៥ ធៀបនឹងឆ្នាំមុន នេះបើយោងតាមទិន្នន័យ ដែលបានចេញផ្សាយ កាលពីថ្ងៃព្រហស្បតិ៍ ដោយធនាគារកណ្តាល របស់ប្រទេសនេះ។
កំណើននេះត្រូវបានជំរុញជាចម្បង ដោយវិស័យ កសិកម្មជាមួយ នឹងការកើនឡើង១៣,១ ភាគរយ ខណៈដែលសេវាកម្ម កើនឡើង២,១ភាគរយ និងឧស្សាហកម្ម១,៥ភាគរយ។
គួរឲ្យដឹងដែរថាទិន្នន័យសេដ្ឋកិច្ចចុងក្រោយបំផុត បានជំរុញការរំពឹងទុកទីផ្សារ នៃការកាត់បន្ថយអត្រាការប្រាក់ ដ៏មានសក្តានុពលនៅក្នុងខែមីនា ដោយគណៈកម្មាធិការគោលនយោបាយ រូបិយវត្ថុ របស់ធនាគារកណ្តាល៕
ប្រែសម្រួល៖ស៊ុនលី
