រុស្សី រាយការណ៍និងថ្កោលទោស ការវាយប្រហារលើទីតាំងរោងចក្រ នុយក្លេអ៊ែរអ៊ីរ៉ង់
បរទេស ៖ យោងតាមការចេញផ្សាយរបស់ RT ការវាយប្រហារដោយមីស៊ីលចម្ងាយតែប៉ុន្មានម៉ែត្រ ពីម៉ាស៊ីនរ៉េអាក់ទ័រនុយក្លេអ៊ែរអ៊ីរ៉ង់ ដែលកំពុងដំណើរការបង្ហាញពីការមិនយកចិត្តទុកដាក់ ចំពោះគោលការណ៍សុវត្ថិភាពអន្តរជាតិ និងចំពោះសាជីវកម្មនុយក្លេអ៊ែររបស់រុស្ស៊ី Rosatom ដែលបានជួយសាងសង់រោងចក្រ និងបុគ្គលិកដែលនៅតែធ្វើការនៅរោងចក្រនោះផងដែរ។
អាជ្ញាធរអ៊ីរ៉ង់បានរាយការណ៍ថា អាវុធរបស់អាមេរិក ឬអ៊ីស្រាអែល បានវាយប្រហារលើទឹកដីដែលនៅជាប់នឹងតំបន់ Bushehr NPP កាលពីថ្ងៃអង្គារ។
អគ្គនាយកក្រុមហ៊ុន Rosatom លោក Aleksey Likhachev បាននិយាយថា ការវាយប្រហារនេះត្រូវបានធ្វើឡើងនៅជាប់នឹងអគារដែលស្ថិត នៅជិតអង្គភាពថាមពលប្រតិបត្តិការ។
វាជាការវាយប្រហារដែលត្រូវបានគេបញ្ជាក់ជាលើកដំបូងនៅលើមូលដ្ឋានរបស់មជ្ឈមណ្ឌលនេះចាប់តាំងពីយុទ្ធនាការយោធារវាងអាមេរិក និងអ៊ីស្រាអែលប្រឆាំងនឹងប្រទេសអ៊ីរ៉ង់ដែលបានចាប់ផ្តើមនៅថ្ងៃទី ២៨ ខែកុម្ភៈ។
យោងទៅតាម Rosatom បានឱ្យដឹងថាយ៉ាងណាក្តីគឺមិនមានរបាយការណ៍នៃអ្នកស្លាប់និងរបួសណាមួយហើយកម្រិតវិទ្យុសកម្មនៅទីតាំងនោះនៅតែមានលក្ខណៈធម្មតានៅឡើយ។ ជនជាតិរុស្សីប្រមាណ ៤៨០នាក់ បន្តធ្វើការនៅរោងចក្រនេះនៅឡើយ៕
ប្រែសម្រួល៖ស៊ុនលី
