ចិន នឹងចាត់វិធានការតបតប្រឆាំង នឹងសមាជិកសភាជប៉ុន ជុំវិញសំណួរតៃវ៉ាន់
ប៉េកាំង៖ ប្រទេសចិន បានប្រកាសវិធានការតបតប្រឆាំងនឹងលោក សមាជិកសភាតំណាងរាស្ត្រជប៉ុន ចំពោះចលនាដ៏អាក្រក់របស់លោក រួមទាំងការឃុបឃិតជាមួយកងកម្លាំងបំបែកខ្លួន “ឯករាជ្យតៃវ៉ាន់” សម្រាប់ចលនាញុះញង់។
អ្នកនាំពាក្យលោកស្រី ម៉ៅ នីង បានធ្វើការកត់សម្គាល់នៅក្នុងសន្និសីទសារព័ត៌មានប្រចាំថ្ងៃ ដើម្បីឆ្លើយតបទៅនឹងសំណួរពាក់ព័ន្ធ ដោយបន្ថែមថា ប្រទេសចិន បានដាក់ពាក្យបណ្តឹងយ៉ាងម៉ឺងម៉ាត់ជាមួយប្រទេសជប៉ុន ជុំវិញដំណើរទស្សនកិច្ចដ៏ច្រើនរបស់លោក Furuya ទៅកាន់កោះតៃវ៉ាន់។
លោកស្រី ម៉ៅ បានកត់សម្គាល់ថា បញ្ហាតៃវ៉ាន់គឺជាស្នូលនៃផលប្រយោជន៍ស្នូលរបស់ប្រទេសចិន ដែលជាខ្សែបន្ទាត់ក្រហមដែលមិនត្រូវឆ្លងកាត់បាន។
ទោះបីជាមានសេចក្តីថ្លែងការណ៍ម្តងហើយម្តងទៀតអំពីជំហររបស់ប្រទេសចិន ទាក់ទងនឹងការកត់សម្គាល់ខុសឆ្គងរបស់មេដឹកនាំជប៉ុនលើតៃវ៉ាន់ក៏ដោយ លោក Furuya បានបរាជ័យក្នុងការដើរថយក្រោយ ឬបញ្ឈប់អ្វីដែលគាត់បានធ្វើ ហើយបន្តឃុបឃិតជាមួយកងកម្លាំងបំបែកខ្លួន “ឯករាជ្យតៃវ៉ាន់” ដើម្បីបង្កបញ្ហា។
លោកស្រីបានបន្ថែមថា ចលនាទាំងនេះជ្រៀតជ្រែកយ៉ាងធ្ងន់ធ្ងរដល់កិច្ចការផ្ទៃក្នុងរបស់ប្រទេសចិន និងរំលោភលើអធិបតេយ្យភាព និងផលប្រយោជន៍ស្នូលរបស់ប្រទេសចិន។
លោកស្រីបន្ដថា ដើម្បីឆ្លើយតបទៅនឹងចលនាដ៏អាក្រក់របស់លោក Furuya និងស្របតាមច្បាប់នៃសាធារណរដ្ឋប្រជាមានិតចិន ស្តីពីការប្រឆាំងនឹងទណ្ឌកម្មបរទេស ប្រទេសចិនបានប្រកាសពីវិធានការដាក់ទណ្ឌកម្មប្រឆាំងនឹងលោក ហ្វូរូយ៉ា ជាមធ្យោបាយនៃការរារាំង និងការព្រមាន៕
ប្រែសម្រួល ឈូក បូរ៉ា
