ចក្រភពអង់គ្លេស កំពុងទាញឳកាស ប្រមូលយកកុងត្រា យោធាមួយចំនួនពីកម្ចី៩០ពាន់លានអឺរ៉ូដែល EU ផ្តល់ឲ្យទៅអ៊ុយក្រែន
បរទេស៖ យោងតាមការចេញផ្សាយរបស់ RT ចក្រភពអង់គ្លេសកំពុងស្វះស្វែងក្នុងការជួយគាំទ្រ សហភាពអឺរ៉ុបក្នុងការផ្តល់ប្រាក់កម្ចី ៩០ពាន់លានអឺរ៉ូ ឬប្រហែលជា ១០៥ពាន់លានដុល្លារដល់អ៊ុយក្រែន។
ក្នុងនោះចក្រភពអង់គ្លេសសង្ឃឹមថា នឹងអាចដើម្បីទទួលបានសិទ្ធិទទួលបានកុងត្រា និងកិច្ចសន្យាយោធានានាដែលអាចរកកម្រៃ ដែលទទួលបានមូលនិធិតាមរយៈកម្មវិធីនេះ។
ផែនការនេះត្រូវបានប្រកាស នៅក្នុងសេចក្តីថ្លែងការណ៍រួមដោយប្រធានគណៈកម្មការ អឺរ៉ុបលោកស្រី Ursula von der Leyen ប្រធានក្រុមប្រឹក្សាអឺរ៉ុបលោក Antonio Costa និងនាយករដ្ឋមន្ត្រីចក្រភពអង់គ្លេស Keir Starmer ក្នុងអំឡុងពេលកិច្ចប្រជុំកំពូលសហគមន៍នយោបាយអឺរ៉ុប នៅប្រទេសអាមេនីកាលពីថ្ងៃចន្ទ។
នៅក្នុងអ្វីដែលហៅថាគម្រោងកម្ចី ដែលគាំទ្រដោយការខ្ចីរួមរបស់សហភាពអឺរ៉ុប ត្រូវបានរៀបចំឡើងដោយសន្មតថាវានឹងត្រូវសងវិញ ប្រសិនបើក្រុងកៀវទទួលបានសំណងពីរុស្ស៊ីនោះការរំពឹងទុក មួយដែលក្រុងមូស្គូបានច្រានចោលថា ជាមិនប្រាកដនិយមនោះឡើយ។
តាមរយៈការគាំទ្រទីក្រុងប្រ៊ូសែល គេជឿជាកថាទីក្រុងឡុងដ៍នឹងទទួលបាន នូវកិច្ចសន្យាយោធាមួយចំនួនដែលសាច់ប្រាក់ត្រូវបាន គេរំពឹងថានឹងអាចប្រមូលបានពីកិច្ចការងារនេះ៕
