ប្រេងឡើងថ្លៃ ជាងមួយដុល្លារ ក្នុងមួយបារ៉ែល ខណៈអាមេរិក បើកការវាយប្រហារថ្មីលើអ៊ីរ៉ង់
បរទេស៖ តម្លៃប្រេងបានកើនឡើងជាងមួយដុល្លារ ក្នុងមួយបារ៉ែលនៅក្នុងការជួញដូរក្រោយការទូទាត់នៅថ្ងៃពុធ បន្ទាប់ពីយោធាអាមេរិក បានចាប់ផ្តើមវាយប្រហារថ្មីលើអ៊ីរ៉ង់។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៩ ខែកក្កដា ឆ្នាំ២០២៦ថា ប្រេងឆៅប្រភេទ Brent ចុងក្រោយបានជួញដូរនៅតម្លៃ 79.28 ដុល្លារក្នុងមួយបារ៉ែល បន្ទាប់ពីបានកើនឡើងជាង 5% នៅតម្លៃ 78.02 ដុល្លារដើម្បីបញ្ចប់វគ្គជួញដូរនៅថ្ងៃពុធ។ ប្រេងឆៅកម្រិតមធ្យមរបស់សហរដ្ឋអាមេរិក West Texas កំពុងជួញដូរនៅតម្លៃ 74.76 ដុល្លារក្នុងមួយបារ៉ែល កើនឡើងពីកម្រិតទូទាត់នៃវគ្គជួញដូរនៅតម្លៃ 73.52 ដុល្លារ។
បញ្ជាការកណ្តាលរបស់យោធាអាមេរិកបានប្រកាសនៅថ្ងៃពុធថា ខ្លួនកំពុងវាយប្រហារថ្មីលើអ៊ីរ៉ង់ដែលមានគោលបំណងរក្សាច្រកសមុទ្រ Hormuz ឱ្យបើកចំហសម្រាប់ចរាចរណ៍។
មន្ត្រីអាមេរិកម្នាក់បានប្រាប់រ៉យទ័រថា ការវាយប្រហារជាបន្តបន្ទាប់ របស់សហរដ្ឋអាមេរិក ប្រឆាំងនឹងអ៊ីរ៉ង់ត្រូវបានគេរំពឹងថា នឹងធំជាងការវាយប្រហារ ដែលបានធ្វើឡើងនៅថ្ងៃអង្គារ ។ ប្រព័ន្ធផ្សព្វផ្សាយអ៊ីរ៉ង់បានរាយការណ៍ពីការផ្ទុះនៅក្នុងទីក្រុងបាន់ដារ អាបាស អាប៊ូ មូសា ប៊ូសេរ និងតំបន់ផ្សេងទៀតនៃប្រទេស។
ប្រែសម្រួលៈ ណៃ តុលា
