សេអ៊ូល៖ មេបញ្ជាការ កងកម្លាំងសហរដ្ឋអាមេរិក ប្រចាំនៅកូរ៉េ (USFK) ឧត្តមសេនីយ៍ Robert Abrams បានឲ្យដឹងថាកូរ៉េខាងត្បូង និងសហរដ្ឋអាមេរិក គួរតែបន្តធ្វើសមយុទ្ធយោធា ទ្រង់ទ្រាយធំនៅចំពោះមុខ សមត្ថភាពនុយក្លេអ៊ែរ និងមីស៊ីល ដែលកំពុងវិវឌ្ឍន៍របស់កូរ៉េខាងជើង។
នៅក្នុងសុន្ទរកថាមួយ ក្នុងវេទិកាមួយដែលធ្វើឡើង នៅទីក្រុងសេអ៊ូល លោក Abrams ក៏បានកត់សម្គាល់ថា ត្រូវធ្វើការងារជាច្រើនទៀត សម្រាប់ការផ្ទេរគ្រោងការណ៍ នៃការគ្រប់គ្រងប្រតិបត្តិការ ពេលសង្គ្រាម (OPCON) នៃកងកម្លាំងកូរ៉េខាងត្បូង ពីទីក្រុងវ៉ាស៊ីនតោន ទៅទីក្រុងសេអ៊ូល។
លោកបន្ថែមថា ” ជាអកុសលយើងត្រូវពន្យារពេល ការបណ្តុះបណ្តាល មេបញ្ជាការរួមបញ្ចូលគ្នា នៃកម្រិតសមយុទ្ធ របស់យើងនៅឆ្នាំនេះ ដោយសារតែការរីករាលដាល នៃជំងឺរាតត្បាតជាសកល ដែលកំពុងបន្ត”៕ ដោយ៖ ឈូក បូរ៉ា
