DAP News

គណៈកម្មាធិការ សុវត្ថិភាពចរាចរណ៍ ផ្លូវគោក ឲ្យពលរដ្ឋចូលរួមទប់ស្កាត់ គ្រោះថ្នាក់ចរាចរណ៍ថ្ងៃអុំទូក

ភ្នំពេញ៖ ដើម្បីទប់ស្កាត់ និងកាត់បន្ថយគ្រោះថ្នាក់ចរាចរណ៍ផ្លូវគោកនៅថ្ងៃបុណ្យអុំទូកខាងមុខនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក បានអំពាវនាវដល់អ្នកប្រើប្រាស់ផ្លូវ អ្នកបើកបរធ្វើការ ប្រុងប្រយ័ត្នពេលធ្វើដំណើរ។ យោងតាមសេចក្តីអំពាវនាវ ស្តីពីការបង្ការទប់ស្កាត់គ្រោះថ្នាក់ចរាចរណ៍ផ្លូវគោក ក្នុងព្រះរាជពិធីបុណ្យអុំទូក អកអំបុក បណ្តែតប្រទីបនិងសំពះព្រះខែឆ្នាំ២០១៩ បានលើកឡើងថា អ្នកប្រើប្រាស់ផ្លូវទាំងអស់ត្រូវចូលរួមចំណែកបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោក ដើម្បីថែរក្សា ការពារការបាត់បង់អាយុជីវិត និងកាយសម្បទាមនុស្សជាទីស្រឡាញ់ ឬរងរបួស ពិការ និងបាត់បង់ទ្រព្យសម្បត្តិរបស់រដ្ឋ និងឯកជនក្នុងគ្រោះថ្នាក់ចរាចរណ៍ ត្រូវយកចិត្តទុកដាក់លើកកម្ពស់ការប្រុងប្រយ័ត្ន ក្នុងពេលដំណើរតាមផ្លូវថ្នល់ ។ គណៈកម្មាធិការបានអំពាវនាវចំនួន ១០ចំណុចដូចខាងក្រោម ៖ ១-ត្រូវពាក់មួកសុវត្ថិភាពដែល មានគុណភាពត្រឹមត្រូវពេលធ្វើដំណើរតាមទោចក្រយានយន្ត។ ២-មិនត្រូវបើកបរលើសល្បឿនកំណត់ ព្រោះអាចបាត់បង់ស្មារតីគ្រប់គ្រងយានយន្តពេលជួបឧបសគ្គ ជាយថាហេតុ។ ៣-មិនត្រូវបើកបរ ក្រោយការពិសារគ្រឿងស្រវឹង។ ៤-ត្រូវគោរពសិទ្ធិអាទិភាព ដោយត្រូវទុកឲ្យអ្នកបើកបរផ្លូវធំ ហើយត្រង់ទៅមុន គោរពសញ្ញាចរាចរណ៍ និងប្រកាន់ស្តាំជានិច្ច។ ៥-ត្រូវពាក់ខ្សែក្រវាត់សុវត្ថិភាពជានិច្ច ក្នុងពេលធ្វើដំណើរតាមរថយន្ត។ ៦-មិនត្រូវបត់ ឬវ៉ាជែងក្នុងភាពប្រថុយប្រថាន និងមិនត្រូវប្រើទូរស័ព្ទដោយគ្មាន ឧបករណ៍បន្តសំឡេងក្នុងពេលបើកបរ។ ៧-ត្រូវត្រួតពិនិត្យលក្ខណៈ បច្ចេកទេសយានយន្តម៉ត់ចត់ ។ ៨-មិនត្រូវផ្ទុកអ្នកដំណើរ ឬទំនិញសំពីងសំពោងលើសចំនួនផ្ទុក ឬលើសទម្ងន់កំណត់ក្នុងច្បាប់ និងកុំដំឡើងថ្លៃដឹកជញ្ជូន។ ៩-មិនត្រូវបើកបរក្នុងស្ថានភាពងងុយ ជាដាច់ខាត។ ១០-ត្រូវបើកបរក្នុងស្មារតីប្រុងប្រយ័ត្នជានិច្ច ប្រកបដោយសីលធម៌ យោគយល់អាធ្យាស្រ័យ៕

1.9K

ព័ត៌មានអន្តរជាតិ

អាមេរិក-កូរ៉េខាងត្បូង នឹងធ្វេីសមយុទ្ធដែនអាកាសរួមគ្នា ដោយកាត់បន្ថយវិសាលភាព ក្រោយកូរ៉េខាងជេីង រិះគន់ខ្លាំង

វ៉ាស៊ីនតោន៖ មន្ទីរប៉ង់តាហ្គោនបានឲ្យដឹងថា ប្រទេសកូរ៉េខាងត្បូង និងសហរដ្ឋអាមេរិក នឹងធ្វើសមយុទ្ធដែនអាកាសរួមគ្នាមួយ ដោយកាត់បន្ថយវិសាលភាព នៅចុងខែនេះ ក្រោយពីមានការរិះគន់ខ្លាំងពីកូរ៉េខាងជេីង នេះបេីយោងតាមការចុះផ្សាយរបស់ទីភ្នាក់ងារសារព័ត៌មាន យុនហាប់។ អគ្គនាយករងកងទ័ពជើងទឹក សហរដ្ឋអាមេរិកលោក William Byrne បានថ្លែងនៅក្នុងសន្និសីទសារព័ត៌មានថា ព្រឹត្តិការណ៍ហោះហើររួមគ្នា នឹងមានទំហំតូចជាងសមយុទ្ធ Vigilant Ace ដែលត្រូវបានផ្អាកកាលពីឆ្នាំមុន ដើម្បីគាំទ្រដល់កិច្ចខិតខំប្រឹងប្រែងការទូតក្នុងការរំសាយអាវុធនុយក្លេអ៊ែរ របស់កូរ៉េខាងជើង។ ប្រភពរដ្ឋាភិបាលកូរ៉េខាងត្បួង បានបង្ហាញពីផែនការមុននេះ ដែលជំរុញឱ្យមានការ ឆ្លើយតបយ៉ាងខឹងសម្បារពីកូរ៉េខាងជើង ដែលចាត់ទុកសមយុទ្ធសម្ព័ន្ធមិត្តទាំងអស់ ជាការហាត់សមការឈ្លានពាន ដោយមិនគិតពីវិសាលភាពរបស់ពួកគេ៕ ដោយ ឈូក បូរ៉ា

1.8K

ព័ត៌មានអន្តរជាតិ

កូរ៉េខាងត្បូង-ជប៉ុន ព្រមព្រៀងធ្វេីកិច្ចចរចាលេីកទី២ ជុំវិញជម្លោះនៅ WTO

សេអ៊ូល៖ ប្រទេសកូរ៉េខាងត្បូង បានឲ្យដឹងនៅថ្ងៃសុក្រនេះថាខ្លួនបានយល់ព្រមធ្វើកិច្ចចរចាលើកទី ២ ជាមួយប្រទេសជប៉ុន នៅចុងខែនេះនៅក្នុងការប៉ុនប៉ង ចុងក្រោយរបស់ប្រទេសទាំងពីរ ដើម្បីដោះស្រាយជម្លោះពាណិជ្ជកម្ម ដែលកំពុងបន្តលើការរឹតត្បិតការនាំចេញ របស់តូក្យូនៅឯអង្គការពាណិជ្ជកម្មពិភពលោក (WTO) ។ លោកជុង ហៃក្វាន អគ្គនាយកកិច្ចការពហុភាគី និងច្បាប់នៅក្រសួងពាណិជ្ជកម្ម ឧស្សាហកម្ម និងថាមពល នឹងចូលជួបពិភាក្សាជាមួយសមភាគីជប៉ុនលោក Junichiro Kuroda នៅថ្ងៃទី១៩ ខែវិច្ឆិកា នៅទីក្រុងហ្សឺណែវ។ ក្រសួងបានឲ្យដឹងនៅក្នុង សេចក្តីថ្លែងការណ៍មួយថាយើងនឹងខិតខំប្រឹងប្រែងឱ្យអស់ពី សមត្ថភាពដើម្បីព្យាយាមដោះស្រាយការរឹតត្បិត ការនាំចេញរបស់ជប៉ុន យ៉ាងឆាប់រហ័ស កិច្ចពិភាក្សានេះគឺជា ផ្នែកមួយនៃដំណើរការ ដោះស្រាយជម្លោះក្រោមវិធាន របស់អង្គការពាណិជ្ជកម្មពិភពលោក៕ ដោយ ឈូក បូរ៉ា

3.0K

នយោបាយ

អ្នកនាំពាក្យក្រសួងយុត្តិធម៌ ៖ មេក្លោងរដ្ឋប្រហារ សម រង្ស៊ី នៅតែបន្តអនុវត្តទោះមិនមកដល់កម្ពុជា

ភ្នំពេញ៖ លោក គឹម សន្តិភាព អ្នកនាំពាក្យក្រសួងយុត្តិធម៌បានអះអាងថា ទោះបីជាមេខ្លោងរដ្ឋប្រហារ សម រង្ស៊ី និងបក្ខពួកមិនមកដល់កម្ពុជាក៏ពិតមែន តែផែនការ និងសកម្មភាពនៃការប៉ុនប៉ងរដ្ឋប្រហាររបស់ក្រុមឧទ្ទាមទាំងនេះ នៅកំពុងបន្តអនុវត្ត ។ លោក គឹម សន្តិភាពបានលើកឡើង ក្នុងហ្វេសប៊ុកនាថ្ងៃទី៧ ខែវិច្ឆិកា ឆ្នាំ២០១៩ថា “មេខ្លោងអ្នកបានកំពុងគេចចេញពី ការទទួលខុសត្រូវផ្លូវច្បាប់ហើយ ដោយទុកឲ្យ...

4.1K

នយោបាយ

លោក សយ សុភាព បានដឹកនាំសហការី មកដល់ច្រកព្រំដែនអន្តរជាតិប៉ោយប៉ែត

ភ្នំពេញ: លោក សយ សុភាព អគ្គនាយកមជ្ឈមណ្ឌលព័ត៌មានដេីមអម្ពិលនៅព្រឹកថ្ងៃទី៨ ខែវិច្ឆិកា ឆ្នាំ២០១៩នេះ បានដឹកនាំសហការីមកដល់ច្រកព្រំដែនអន្តរជាតិ ប៉ោយប៉ែតហេីយ។ លោកសយសុភាពសង្កេតឃើញថា ស្ថានភាពនៅច្រកព្រំដែននេះមានសភាពធម្មតាដូចសព្វមួយដង ប្រជាពលរដ្ឋ និងអាជីវករធ្វេីដំណេីរចេញចូល ដោះដូរទំនិញ និងប្រកបរបរចិញ្ចឹមជីវិតជាប្រក្រតី។ ចំពោះស្ថានភាពនៅតាមបណ្ដា ច្រកព្រំដែននេះអគ្គនាយកដ្ឋានអន្តោប្រវេសន៍ បានឲ្យដឹងថា មិនមានប្រជាពលរដ្ឋខ្មែររាប់មុឺននាក់ សម្រុកចូលស្រុកខ្មែ រ ឡេីយ។ ...

9.1K

នយោបាយ

លោក យ៉ង់ សាំងកុមារផ្តល់យោបល់ឲ្យលោក សម រង្ស៊ីហោះពីប៉ារីស មកជប៉ុន ហើយឆ្លងចូលកម្ពុជា

ភ្នំពេញ៖ មន្រ្តីជាន់ខ្ពស់គណបក្ស ប្រជាធិបតេយ្យមូលដ្ឋាន បានផ្តល់យោបល់ឲ្យលោក សម រង្ស៊ី ហោះពីព្រលានយន្តហោះសាលដឺគោល ក្រុងប៉ារីស មកជប៉ុន ហើយឆ្លងចូលកម្ពុជាមក។ ការផ្តល់យោបល់នេះក្រោយពីលោក សម រង្ស៊ីមិនត្រូវបានអាកាសចរណ៍ថៃអនុញ្ញាតហោះពីបារីស មកថៃ ឆ្លងចូលមកកម្ពុជា កាលពីរាត្រីថ្ងៃទី៧ ខែវិច្ឆិកា ឆ្នាំ២០១៩។ លោក យ៉ង់ សាំងកុមារ បានលើកឡើងក្នុងហ្វេសប៊ុកថា...

2.0K

ព័ត៌មានអន្តរជាតិ

៤ចិនដាក់បម្រាមគោចរ ទៅលើអនិតិជន ដើម្បីបង្ក្រាបទៅលើការលេងល្បែងហ្គេម

ប៉េកាំង៖ ប្រទេសចិនបានដាក់ប ម្រាមគោចរដើម្បីកំណត់ពេលវេលាដែលចំណាយដោយកុមារ ក្នុងការលេងល្បែង (ហ្គេម) តាមអ៊ិនធរណេតនៅក្នុងផ្នែកចុងក្រោយ នៃការបង្ក្រាបរបស់រដ្ឋាភិបាល ទៅលើការញៀនល្បែងរបស់យុវជន។ យោងតាមសារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី០៧ ខែវិច្ឆិកា ឆ្នាំ២០១៩ បានឱ្យដឹងថា បទប្បញ្ញត្តិនេះមានន័យថា អ្នកដែលមានអាយុក្រោម ១៨ ឆ្នាំ មិនអាចលេងល្បែងតាមអ៊ិនធរណេតបានទេ នៅចន្លោះម៉ោង ១០ យប់និង ៨ ព្រឹក ហើយមានតែរយៈពេល ៩០នាទីប៉ុណ្ណោះក្នុងពេលថ្ងៃ។ លើសពីនេះទៀត គោលការណ៍ណែនាំ នឹងកាត់បន្ថយចំនួនប្រាក់ សម្រាប់អនីតិជន អាចចំណាយលើការ លេងល្បែងតាមអ៊ិនធរណេតដល់ ២០០ យន់ (២៨ ដុល្លារ) ក្នុងមួយខែដោយកើនឡើងដល់ ៤០០ យន់សម្រាប់អ្នកដែលមានអាយុពី ១៦ ទៅ ១៨ ឆ្នាំ។ ច្បាប់ថ្មីនេះក៏នឹង តម្រូវឲ្យ អ្នកលេងល្បែងទាំងអស់ ប្រើឈ្មោះពិតនិងព័ត៌មានលំអិត ដូចជា គណនី WeChat លេខទូរស័ព្ទ ឬលេខអត្តសញ្ញាណប័ណ្ណដើម្បីចុះឈ្មោះ។ នៅក្នុងសេចក្តីថ្លែងការណ៍ ដែលត្រូវបានចេញផ្សាយថ្ងៃអង្គារនេះ រដ្ឋាភិបាលក៏អំពាវនាវឱ្យអ្នកផលិតហ្គេម “កែប្រែមាតិកាល្បែងមុខងារឬច្បាប់” ដើម្បីជៀសវាងការបង្កឱ្យមានការញៀន លើកីឡាករវ័យក្មេង។ សូមជម្រាបថា ប្រទេសចិនគឺជាទីផ្សារហ្គេមវីដេអូធំបំផុតរបស់ពិភពលោក ប៉ុន្តែរដ្ឋាភិបាលបាននិងកំពុង ពង្រឹងឧស្សាហកម្មនេះចំពេល មានការព្រួយបារម្ភ អំពីសុខភាពកាន់តែអាក្រក់ទៅ ៗ ចំពោះកុមារនិងការញៀនតាមអ៊ិនធរណេត៕ ប្រែសម្រួលៈ ណៃ តុលា

1.8K

ព័ត៌មានអន្តរជាតិ

រដ្ឋបាលលោក ត្រាំ មិនបានធ្វើបានគ្រប់គ្រាន់ ដើម្បីការពារការឈ្លានពានរបស់តួកគី នៅក្នុងប្រទេសស៊ីរី

វ៉ាស៊ីនតោន៖ កាសែត New York Times បានរាយការណ៍កាលពីថ្ងៃព្រហស្បថា ប្រេសិតកំពូលអាមេរិកប្រចាំនៅភាគខាងជើងប្រទេសស៊ីរី បានថ្កោលទោសរដ្ឋបាលលោក ត្រាំ ដែលមិនបានខិតខំប្រឹងប្រែង ដើម្បីរក្សាកងទ័ពតួកគី ពីការលុកលុយ បន្ទាប់ពីកងកម្លាំងអាមេរិកបានដកខ្លួនចេញពីតំបន់ ហើយបានចោទប្រកាន់ ប្រទេសតួកគីពីបទ“ ឧក្រិដ្ឋកម្មសង្គ្រាម និងការបោសសម្អាតជនជាតិភាគតិច” នៅទីនោះ។ កាសែតបានរាយការណ៍ថា អ្នកការទូតលោក William Roebuck បានធ្វើអត្ថាធិប្បាយ នៅក្នុងអនុស្សរណៈផ្ទៃក្នុងចំនួន ៣.២០០ពាក្យ កាលពីខែមុន ដែលលោកបានថ្លឹងថ្លែងថាតើការរួមបញ្ចូលគ្នា នៃគោលនយោបាយតឹងរឹងបន្ថែមទៀត ការគំរាមកំហែងសេដ្ឋកិច្ច និងវត្តមានយោធាអាចរារាំងការវាយប្រហារនេះ បានទេព្រោះវិធីសាស្រ្តបែបនេះ បានធ្វើឱ្យតួកគីរារាំង កាលពីក្នុងអតីតកាល។ លោកបានសរសេរនៅក្នុងកំណត់ហេតុ ដែលទទួលបានដោយកាសែតថា “វាជាការអំពាវនាវដ៏លំបាក ហើយចម្លើយគឺប្រហែលជាមិនមែនទេ ប៉ុន្តែយើងនឹងមិនដឹងទេ ពីព្រោះយើងមិនបានព្យាយាមធ្វេីវា”៕ ដោយ ឈូក បូរ៉ា

1.7K

ព័ត៌មានជាតិ

លោក ស៊ា ស៊ីណុង ពលករខ្មែរ បំរើការងារនៅប្រទេស ថៃ សុំឆ្លើយសំណួរ របស់លោក សយ សុភាព

ភ្នំពេញ៖ ការិយាល័យនិពន្ធនៃមជ្ឈមណ្ឌលព័ត៌មានដើមអម្ពិល មានកិត្តិយស សូមផ្សាយទាំងស្រុងនូវខ្លឹមសារ សំណួរចម្លើយ របស់លោក ស៊ា ស៊ីណុង ពលករខ្មែរបំរើការងារនៅប្រទេស ថៃ សុំឆ្លើយសំណួរ របស់លោក សយ សុភាព អគ្គនាយក មជ្ឈមណ្ឌលព័ត៌មានដើមអម្ពិល ដែលផ្ញើមកកាន់យើង តាមរយៈបណ្តាញសង្គមហ្វេសបុក។ សំណួរ ចម្លើយ៖ ជូនចំពោះលោក សយ...

2.7K

ព័ត៌មានជាតិ

មេបញ្ជាការសឹករង ខេត្តកំពង់ចាម រិតបន្តឹង បង្រ្កាបក្រុមឧទ្ទាមក្រៅច្បាប់

កំពង់ចាម ៖ នៅរសៀលថ្ងៃទី៧ ខែវិច្ឆិកា ឆ្នាំ២០១៩នេះ គណ:មេបញ្ជាការ ឯកភាពខេត្ត បញ្ជាអោយកម្លាំង កងយុទ្ធពលខេមរៈភូមិន្ទ សឹករងខេត្ត អនុវត្តច្បាប់តឹងរឹងបំផុត ចំពោះក្រុមឧទ្ទាមក្រៅច្បាប់ ។ លោកឧត្តមសេនីយ៍ត្រី ហូ ពៅ មេបញ្ជាការកងយុទ្ធពលខេមរៈភូមិន្ទសឹករងខេត្តកំពង់ចាម ដាក់បទបញ្ជាឲ្យកងកម្លាំង ត្រៀមខ្លួនជាស្រេចទប់ស្កាត់ និងបង្ក្រាបរាល់គ្រប់សកម្មភាពទាំងឡាយណា ដែលចង់ឲ្យកម្ពុជា ធ្លាក់ចូលភ្លើងសង្គ្រាមជាថ្មី...