ព័ត៌មានអន្តរជាតិ

ណាតូបញ្ជាក់ថា ទ្វារនៅតែបន្តបើកចំហ ស្វាគមន៍អ៊ុយក្រែនជានិច្ច

បរទេស: ទីភ្នាក់ងារចិនស៊ិនហួ ចេញផ្សាយនៅថ្ងៃសុក្រទី១ខែវិច្ឆិកានេះបានឲ្យដឹងថា អគ្គលេខាធិការអង្គការសន្ធិសញ្ញាអាត្លង់ទិកខាងជើង ដែលហៅកាត់ថាណាតូលោក Jens Stoltenberg បានបង្ហាញជំហរថាណាតូ និងសម្ព័ន្ធមិត្តទាំងឡាយនៅតែ បើកទ្វារចំហសម្រាប់អ្នកទាំងអស់គ្នាណាដែលមានបំណង ចង់ចូលរួមក្នុងនោះមានទាំងអ៊ុយក្រែនផងដែរ។ លោកបាននិយាយបែបថា ក្នុងនាមជារដ្ឋដែលមានអធិបតេយ្យភាពអ៊ុយក្រែន មានសិទ្ធិក្នុងការជ្រើសរើស ប្រព័ន្ធសន្តិសុខរបស់ខ្លួន។សមាជិកភាពរបស់អង្គការណាតូ គឺជាការសម្រេចចិត្តរបស់ សមាជិកនៃសម្ព័ន្ធមិត្តណាតូ និងអ្នកដែលចង់ចូលរួមជាមួយ ហើយយើងមិនបានរំលឹកអំពីឥទ្ធិពល កាលពីអតីតកាលឡើយ។ ក្នុងនោះដែរលោក Stoltenberg បានសង្កត់ធ្ងន់ទៀតថាទីប្រឹក្សាណាតូនឹង ជួយជ្រំជ្រែងដល់អ៊ុយក្រែនក្នុង ការអនុវត្តគោលការណ៍អ៊ឺរ៉ុប-អាត្លង់ទិក និងការអនុវត្តល្អបំផុតដើម្បី ពង្រឹងនីតិរដ្ឋធានាសិទ្ធិ ជនជាតិភាគតិច និងប្រឆាំងអំពើពុករលួយទាំងឡាយ៕ ប្រែសម្រួល: ស៊ុន លី

1.7K

ប្រធានមន្ទីរបញ្ចកោណ៖ វ៉ាស៊ីនតោន មានបំណងពង្រីកវត្តមានយោធា នៅតំបន់ឥណ្ឌូប៉ាស៊ីហ្វិក ព្រោះជាតំបន់អាទិភាព សម្រាប់អាមេរិក

មូស្គូ៖ រដ្ឋមន្រ្តី ក្រសួងការពារជាតិអាមេរិក លោក Mark Esper បាននិយាយថា សហរដ្ឋអាមេរិកគ្រោង នឹងពង្រឹងវត្តមានយោធារបស់ខ្លួន នៅក្នុងតំបន់ឥណ្ឌូ – ប៉ាស៊ីហ្វិក ដោយការដាក់ពង្រាយឡើងវិញ កម្លាំងយោធារបស់ខ្លួន ទៅកាន់តំបន់នោះវិញ។ យោងតាមសារព័ត៌មាន Sputnik ចេញផ្សាយកាលពីថ្ងៃទី០១ ខែវិច្ឆិកា ឆ្នាំ២០១៩ បានឱ្យដឹង ដោយផ្អែកតាមការលើកឡើង...

2.3K

អាមេរិក ជំរុញឱ្យអាស៊ាន តវ៉ានៅចំពោះមុខ អ្នកតំណាងរបស់ចិន រឿងសមុទ្រចិនខាងត្បូង នៅកិច្ចប្រជុំអាស៊ាន នៅបាងកក

បរទេស៖ ប្រភពការទូតអាស៊ាន បាននិយាយនៅថ្ងៃសុក្រនេះថា សហរដ្ឋអាមេរិកកំពុងជំរុញអាស៊ាន ស្តីបន្ទោសទៅលើប្រទេសចិន លើការទាមទារដែនសមុទ្រ ដែលបានពង្រីករបស់ខ្លួន ក្នុងអំឡុងពេលកិច្ចប្រជុំកំពូល ក្នុងតំបន់ដែលនឹងត្រូវធ្វើឡើង នៅទីក្រុងបាងកកនៅចុងសប្តាហ៍នេះ។ យោងតាមសារព័ត៌មាន បាងកកប៉ុស្តិ៍ ចេញផ្សាយកាលពីល្ងាចថ្ងៃទី០១ ខែវិច្ឆិកា ឆ្នាំ២០១៩ បានឱ្យដឹង ដោយផ្អែកតាមប្រភពខាងលើថា សហរដ្ឋអាមេរិកបានសរសេរ“ លិខិតមិនផ្លូវការមួយ” ដែលជំរុញឱ្យសមាជិកអាស៊ាន“ ធ្វើការតវ៉ាចំពោះការទាមទារ និងការពង្រីកដែនសមុទ្រ...

1.5K

អាល្លឺម៉ង់និងឥណ្ឌា ចុះហត្ថលេខាលើកិច្ចព្រមព្រៀង ធ្វើចំណងមិត្តភាពទ្វេភាគី ឲ្យកាន់តែស៊ីជម្រៅ

បរទេស៖ អធិការបតីអាល្លឺម៉ង់ លោកស្រី Angela Merkel និងនាយករដ្ឋមន្ត្រីឥណ្ឌា លោក ណារ៉េនដ្រា ម៉ូឌី តាមសេចក្តីរាយការណ៍ បានចុះហត្ថលេខា លើកិច្ចព្រមព្រៀងមួយចំនួន នៅក្នុងទីក្រុងញូដេលី នាថ្ងៃសុក្រនេះ ដើម្បីធ្វើឲ្យសហប្រតិបត្តិការ យុទ្ធសាស្ត្រកាន់តែស៊ីជម្រៅឡើង និងបានផ្លាស់ប្តូរមតិគ្នា ស្តីពីមធ្យោបាយជំរុញ បង្កើនជំនួញទ្វេភាគី។ លោក ម៉ូឌី បានប្រាប់សហសន្និសីទកាសែតមួយ...

1.8K

តួកគី និងរុស្ស៊ី កំពុងធ្វើប្រតិបត្តិការ ល្បាតរួមគ្នា នៅប្រទេសស៊ីរីភាគឦសាន

បរទេស៖ កងទ័ពរបស់ប្រទេសតួកគី និងប្រទេសរុស្ស៊ី តាមសេចក្តីរាយការណ៍ បានចាប់ផ្តើមធ្វើប្រតិបត្តិការល្បាតរួមគ្នាជាលើកដំបូង នៅក្នុងប្រទេសស៊ីរីភាគឦសាន នៅថ្ងៃសុក្រនេះ ក្រោមកិច្ចព្រមព្រៀងមួយ រវាងប្រទេសទាំងពីរ ដែលបង្ខំឲ្យពួកឃឺដដកថយឆ្ងាយពីតំបន់ព្រំដែនប្រទេសតួកគី។ ក្រសួងការពារជាតិនៃប្រទេសរុស្ស៊ី បាននិយាយប្រាប់ឲ្យដឹងថា ប្រតិបត្តិការល្បាតចម្ងាយ ១១០គីឡូម៉ែត្រ ជាមួយប៉ូលីសយោធារុស្ស៊ី ដែលមានរថយន្តយោធាចំនួន៩គ្រឿងនោះ បានចាប់ផ្តើមនៅទីក្រុង Darbasiya ហើយបានធ្វើដំណើរទៅទិសខាងលិច តាមបណ្ដោយព្រំដែន។ គួរបញ្ជាក់ថា កាលពីសប្ដាហ៍មុន ទីក្រុងអង់ការ៉ានិងទីក្រុងមូស្គូ បានព្រមព្រៀងគ្នាឲ្យ កងកម្លាំងជីវពលចូលទៅក្នុងចម្ងាយយ៉ាងហោចណាស់ក៏ ៣០គីឡូម៉ែត្រដែរ នៅខាងត្បូងព្រំដែន ហើយប្រទេសរុស្ស៊ី បាននិយាយប្រាប់ប្រទេសតួកគីថា ពួកសកម្មប្រយុទ្ធ YPG បានចាកចេញពីតំបន់នោះហើយ៕ ប្រែសម្រួល៖ ប៉ាង កុង

1.9K

វៀតណាម បើកប្រតិបត្តិការលើ ជនអន្តោប្រវេសន៍បន្ទាប់ហេតុការណ៍ស្លាប់ជនជាតិខ្លួន នៅចក្រភពអង់គ្លេស

បរទេស: ទីភ្នាក់ងារចិនស៊ិនហួ ចេញផ្សាយនៅថ្ងៃសុក្រទី១ខែវិច្ឆិកាបានឲ្យដឹងថា ប៉ូលីសនៃខេត្តHa Tinh ភាគកណ្តាលប្រទេសវៀតណាមបានចាប់ផ្តើមប្រតិបត្តិការ ត្រួតពិនិត្យលើបទឧក្រិដ្ឋនៃ ការធ្វើអាជីវកម្មអន្តោប្រវេសន៍ខុសច្បាប់ និងការស្នាក់នៅក្នុងប្រទេសក្រៅបន្ទាប់ពីមាន របាយការណ៍ដែលក្រុមគ្រួសារ នៃពលរដ្ឋរបស់ខ្លួនជាច្រើន ចាប់ផ្តើមធ្វើការស្វែងរកក្រុមគ្រួសាររបស់ខ្លួន នៅក្នុងប្រទេសអង់គ្លេស។ ប៉ូលីសក្នុងខេត្តបាននិយាយថា រហូតមកដល់ពេលនេះមាន១០គ្រួសារហើយ នៅក្នុងខេត្តនេះរួមមាន ៨ នាក់មកពីស្រុក Can Loc, មួយមកពីស្រុក Nghi Xuan និងមួយផ្សេងទៀតមកពីទីប្រជុំជន Hong Linh បានរាយការណ៍ថា ពួកគេបានបាត់បង់ទំនាក់ទំនងជាមួយសាច់ញាតិ ដែលបានធ្វើដំណើរ ខុសច្បាប់តាមផ្លូវទៅកាន់ប្រទេសអង់គ្លេស។ ការផ្ទុះការស្វែងរកដ៏ច្រើននេះ បានធ្វើឡើងនៅបន្ទាប់ពីឧប្បត្តិហេតុនៃការស្លាប់មនុស្ស ដល់ទៅ៣៩នាក់ នៅលើរថយន្តដឹកទំនិញក្នុងតំបន់ Essex ចក្រភពអង់គ្លេសកន្លងមក។ ក្នុងនោះផងដែរអាជ្ញាធរ ដែលធ្វើការជាមួយ នឹងប៉ូលីសបានប្រមូលយក DNA នៃមនុស្សដែលបាត់ខ្លួនទាំងអស់ នោះផ្ញើរទៅកាន់ប្រទេសអង់គ្លេស ដើម្បីផ្ទៀងផ្ទាត់និងស្វែងរកផងដែរ៕ ប្រែសម្រួល: ស៊ុន លី

2.1K

រញ្ជួយដីចំនួន២ នៅកោះ មីនដាណាវ បណ្តាលឱ្យមនុស្សស្លាប់ ១៦នាក់ និងរបួសជាង ៤០០នាក់

ម៉ានីល៖ ការរញ្ជួយដីដ៏ខ្លាំងចំនួន ២ ដែលបានផ្ទុះឡើងនៅកោះមីនដាណាវ ប្រទេស ហ្វីលីពីន ក្នុងរយៈពេលប៉ុន្មានថ្ងៃនៃសប្តាហ៍នេះបានសម្លាប់មនុស្សយ៉ាងតិច ១៦ នាក់ និងមនុស្ស ៤០៣ នាក់រងរបួស។ នេះបើយោងតាមក្រុមប្រឹក្សាកាត់បន្ថយ និងគ្រប់គ្រងគ្រោះមហន្តរាយជាតិ របស់ប្រទេសហ្វីលីពីន (NDRRMC )។ យោងតាមសារព័ត៌មាន Philstar ចេញផ្សាយកាលពីថ្ងៃទី០១ ខែវិច្ឆិកា ឆ្នាំ២០១៩...

2.3K

សភាអាមេរិក យល់ព្រមលើនីតិវិធី ដើម្បីចោទប្រកាន់លោក ត្រាំ ជុំវិញរឿងអាស្រូវអ៊ុយក្រែន

វ៉ាស៊ីនតោន៖ សភាតំណាងរាស្ត្រសហរដ្ឋអាមេរិក កាលពីថ្ងៃព្រហស្បតិ៍ បានបង្កើនកិច្ចប្រឹងប្រែង ឆ្ពោះទៅរកការចោទប្រកាន់ ប្រធានាធិបតីលោក ដូណាល់ ត្រាំ ដោយឆ្លងកាត់សេចក្តីសម្រេចចិត្តមួយ ដើម្បីបង្កើតច្បាប់មូលដ្ឋាន សម្រាប់ដំណើរការស៊ើបអង្កេត ដែលត្រូវបានចោទប្រកាន់ថាខ្វះតម្លាភាព។ ការចាប់ផ្តើមការស៊ើបអង្កេត ការចោទប្រកាន់នេះ ត្រូវបានប្រកាសនៅក្នុងខែកញ្ញា ដោយប្រធានសភាលោកស្រី Nancy Pelosi ជុំវិញការចោទប្រកាន់ដែលថាប្រធានាធិបតី បានដាក់សម្ពាធមេដឹកនាំអ៊ុយក្រែន ក្នុងគោលបំណងប្រមូលព័ត៌មាន ដែលអាចធ្វើឱ្យខូចខាត...

2.4K

អ៊ីស្រាអ៊ែល ថា បានស្ទាក់ចាប់មីស៊ីល ដែលបាញ់ចេញពី តំបន់ហ្គាហ្សស្ទ្រីប

យេរ៉ូសាឡឹម៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១ ខែវិច្ឆិកា ឆ្នាំ២០១៩ថា អ៊ីស្រាអ៊ែល បាននិយាយឲ្យដឹង កាលពីថ្ងៃព្រហស្បតិ៍ថា ខ្លួនបានស្ទាក់ចាប់មីស៊ីលផ្លោង១គ្រាប់ ដែលបានបាញ់ចេញពី ពីតំបន់ឆ្នេរសមុទ្រប៉ាឡេស្ទីន នៅហ្គាហ្សាស្ទ្រីប ។ អ្នកនាំពាក្យយោធាអ៊ីស្រាអ៊ែល បានឲ្យដឹង នៅក្នុងសេចក្តីថ្លែងការណ៍មួយថា“ “គ្រាប់ផ្លោងមួយ ត្រូវបានបាញ់ចេញពីតំបន់ហ្គាហ្សាស្ទ្រីប ឆ្ពោះទៅកាន់ប្រទេសអ៊ីស្រាអ៊ែល” ។ ដោយបានបន្ថែម ថា...

2.0K

ធ្លាក់ឧទ្ធម្ភាគចក្រ របស់កូរ៉េខាងត្បូង នៅដែនសមុទ្រកោះជម្លោះ Dokdo បាត់ខ្លួន៧នាក់

សេអ៊ូល៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹង នៅថ្ងៃទី១ ខែវិច្ឆិកា ឆ្នាំ២០១៩ ថា ក្រុមមន្ត្រីបាននិយាយឲ្យដឹង នៅថ្ងៃសុក្រនេះថា ក្រុមសេវាកម្មជួយសង្គ្រោះ បាននិងកំពុងស្រាវជ្រាវរកអ្នកដំណើរ ដែលកំពុងបាត់ខ្លួនចំនួន៧នាក់ ដែលជាជនជាតិកូរ៉េខាងត្បូង ក្រោយពីមានករណី ធ្លាក់ឧទ្ធម្ភាគចក្រចូលក្នុងដែន សមុទ្រ នៅដែនកោះជម្លោះ Dokdo កាលពីយប់ថ្ងៃព្រហស្បតិ៍...