ព័ត៌មានអន្តរជាតិ

បាតុកម្មនៅហុងកុង កាន់តែក្តៅគគុក ខណៈដែលមហាអំណាច លោកខាងលិច ជំរុញឱ្យអត់ធ្មត់

ហុងកុង៖ ក្រុមអ្នកតវ៉ាហុងកុង បានវាយប្រហារបណ្តាញ ដឹកជញ្ជូនរបស់ទីក្រុងហុងកុង រយៈពេលពីរថ្ងៃ ដែលកើតឡើងកាលពី ថ្ងៃអង្គារ នៅពេលដែលមហាអំណាច លោកខាងលិច បានសម្តែងការព្រួយបារម្ភចំពោះ អំពើហឹង្សារីករាលដាល បន្ទាប់ពីប៉ូលីស បានបាញ់បាតុករវ័យក្មេងម្នាក់ និងបុរសម្នាក់ទៀតដោយកាំភ្លើងគ្រាប់ពិត។

យោងតាមសារព័ត៌មាន Bangkok Post ចេញផ្សាយនៅថ្ងៃទី១២ ខែវិច្ឆិកា ឆ្នាំ២០១៩ បានឱ្យដឹងថា ក្រុមបាតុករពាក់ម៉ាស់មួយ ក្រុមតូច បានបិទផ្លូវ, គប់វត្ថុនានាលើផ្លូវរថភ្លើង និងបានបញ្ឈប់រថភ្លើងក្រោមដី បង្កឱ្យមានការប៉ះទង្គិចគ្នាជាមួយប៉ូលីសប្រឆាំងកុប្បកម្ម និងបានបង្កភាពវឹកវរឡើងវិញនៅពេលព្រឹក។

សាកលវិទ្យាល័យនានា ក៏ជាចំណុចផ្ទុះហឹង្សាមួយផងដែរដោយ ប៉ូលីសបានបាញ់ឧស្ម័នបង្ហូរទឹកភ្នែកទៅលើក្រុមអ្នកតវ៉ា ដែលបានបិទផ្លូវ ដែលឆ្ពោះទៅសាកលវិទ្យាល័យចិនហុងកុង។

ក្រុមសកម្មជនពាក់ម៉ាសនៅខាងក្រៅសាកលវិទ្យាល័យ ហុងកុង បានបិទផ្លូវធំមួយ ដោយទម្លាក់វត្ថុពីលើស្ពានតូច។ ពេញមួយយប់ និស្សិតនៅទីនោះបានប៉ះទង្គិចជាមួយ ប៉ូលីស បន្ទាប់ពីប៉ូលីសបានធ្វើការចាប់ខ្លួន មនុស្សម្នាក់ នៅខាងក្រៅកន្លែងស្នាក់នៅរបស់ សាកលវិទ្យាល័យ៕ ប្រែសម្រួលៈ ណៃ តុលា

https://www.bangkokpost.com/world/1792569/protesters-hit-hong-kong-commute-as-western-powers-urge-restraint

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top