ព័ត៌មានអន្តរជាតិ

ក្រុងមូស្គូ ៖ រុស្ស៊ីនិងចិន នឹងបង្ហាញផែនការ ស្តីពីការបន្ធូរបន្ថយភាព តានតឹងនៅឧបទ្វីបកូរ៉េ

UNITED NATIONS៖ អនុរដ្ឋមន្រ្តីក្រសួង ការបរទេសរុស្ស៊ីលោក Igor Morgulov បានប្រាប់អ្នកយកព័ត៌មានថា ប្រទេសរុស្ស៊ីនិងចិន នឹងដាក់ផែនការ សកម្មភាពថ្មីមួយក្នុងការ ដោះស្រាយភាពតានតឹង នៅឧបទ្វីបកូរ៉េ ។

យោងតាមសារព័ត៌មាន Sputnik ចេញផ្សាយនៅថ្ងៃទី២០ ខែវិច្ឆិកា ឆ្នាំ២០១៩ បានឱ្យដឹងថា លោក Morgulov បាននិយាយថា “យើងទើបតែបានព្រមព្រៀង ជាមួយសហសេវិកចិន របស់យើងលើផែនការធ្វើបច្ចុប្បន្នភាព [… ] កំណែថ្មីនៃផែនការនេះ នឹងត្រូវបានចែកចាយ ក្នុងចំណោមដៃគូទាំងអស់ ។ វាជាសេចក្តីព្រាងផែនការ មិនមែនជាឯកសាររួមគ្នាទេ” ។

លោក Morgulov បានចង្អុលបង្ហាញថា ប្រទេសរុស្ស៊ីនិងចិន បានបង្ហាញផែនការសកម្មភាពរបស់ពួកគេរួចហើយក្នុងពេលកន្លងមកដែលរួមមានបទប្បញ្ញត្តិសេដ្ឋកិច្ច នយោបាយ យោធា និងមនុស្សធម៌ សំដៅស្ថិរភាពស្ថានភាពនៅក្នុងតំបន់។

លោក Morgulov បានបន្ថែមទៀតថាសេចក្តីព្រាងផែនការនេះ ក៏នឹងត្រូវបង្ហាញដល់អនុរដ្ឋមន្រ្តីក្រសួងការ បរទេសកូរ៉េខាងជើង Cohoe Son Hui ដែលបច្ចុប្បន្នកំពុងបំពេញ ទស្សនកិច្ចផ្លូវការ នៅទីក្រុងមូស្គូ ៕
ប្រែសម្រួលៈ ណៃ តុលា

To Top