តូក្យូ៖ ប្រភពជិតស្និទ្ធ នឹងបញ្ហានេះបានឲ្យដឹងថា លោក Yasuhiro Nakasone អ្នកនយោបាយអភិរក្សនិយម ដែលបានបម្រើការជានាយករដ្ឋមន្រ្តីជប៉ុនចាប់ពីខែវិច្ឆិកា ឆ្នាំ១៩៨២ ដល់ខែវិច្ឆិកា ឆ្នាំ១៩៨៧ បានទទួលមរណភាពនៅថ្ងៃសុក្រនេះ ក្នុងវ័យ ១០១ ឆ្នាំ។
ប្រភពដដែលបានបន្តថាលោក Nakasone បានទទួលមរណភាពនៅមន្ទីរពេទ្យទីក្រុងតូក្យូ ភ្លាមៗបន្ទាប់ពីម៉ោង ៧ ព្រឹកដោយជរាពាធ។
លោក Yasuhiro Nakasone ដែលជាឥស្សរជនលេចធ្លោម្នាក់នៅក្នុងនយោបាយជប៉ុន អស់ជាច្រើនទសវត្សមកហើយ ដែលបានតស៊ូមតិគាំទ្រដល់សមត្ថភាពការពារជាតិ និងការកែប្រែរដ្ឋធម្មនុញ្ញរបស់ប្រទេស។
គួរបញ្ជាក់ថា លោកបានភ្ជាប់ទំនាក់ទំនងជាមួយប្រធានាធិបតីសហរដ្ឋអាមេរិកលោក Ronald Reagan ដោយបានបង្កើតទំនាក់ទំនងជិតស្និទ្ធ ដែលមេដឹកនាំបានធ្វើអន្តរកម្មដោយឈរលើឈ្មោះដំបូង៕
ដោយ ឈូក បូរ៉ា
