សេអ៊ូល៖ ប្រធានគណៈកម្មាធិការ ប្រធានាធិបតី បានឲ្យដឹងនៅថ្ងៃព្រហស្បតិ៍នេះថា ប្រទេសកូរ៉េខាងត្បូង ចាំបាច់ត្រូវបង្កើនកិច្ចសហប្រតិបត្តិការ ជាមួយប្រទេសរុស្ស៊ី និងតំបន់ភាគឥសាន របស់ប្រទេសចិន ខណៈប្រទេសនេះកំពុងស្វែង រកនូវកត្តាជំរុញថ្មី នៃកំណើនសេដ្ឋកិច្ច។
លោក Kwon Goo-hoon ប្រធានគណៈកម្មាធិការ ប្រធានាធិបតី សម្រាប់កិច្ចសហប្រតិបត្តិការ សេដ្ឋកិច្ចភាគខាងជើង បានធ្វើការកត់សម្គាល់ នៅក្នុងវេទិកាមួយនៅទីក្រុងសេអ៊ូល ជាមួយអ្នកជំនាញ មកពីសហរដ្ឋអាមេរិក និងរុស្ស៊ី។
លោក Kwon បានប្រាប់វេទិកានោះថា “វាមានសារៈសំខាន់ក្នុងការបង្កើតកិច្ចសហប្រតិបត្តិការ ពហុភាគីជាមួយប្រទេសរុស្ស៊ី តំបន់ភាគឥសានរបស់ចិន និងប្រទេសអាស៊ីកណ្តាល ដើម្បីបង្កើតក្បាលម៉ាស៊ីនកំណើនថ្មី និងបង្កើតមូលដ្ឋានគ្រឹះ នៃការបង្រួបបង្រួម (ឧបទ្វីបកូរ៉េ)” ៕
ដោយ ឈូក បូរ៉ា
