វ្ល៉ាឌីស្ដុក៖ ប្រភពពីរដ្ឋាភិបាលជប៉ុន បានឲ្យដឹងថាអាជ្ញាធរ ការពារព្រំដែនរុស្ស៊ី កាលពីថ្ងៃអង្គារបានរឹបអូស ទូកនេសាទជប៉ុន ចំនួន ៥ គ្រឿង ហើយបាននាំពួកគេ ទៅកាន់កោះ Kunashiri ដែលជាកោះមួយ ក្នុងចំណោមកោះ ដែលមានជម្លោះនៅកោះហុកកៃដូ របស់ប្រទេសរុស្ស៊ី ។
ប្រភពបាននិយាយថា អាជ្ញាធររុស្ស៊ីសង្ស័យថា មានចន្លោះប្រហោងរវាងចំនួនត្រី ដែលចាប់បានដោយទូក និងតួលេខដែលបានកត់ត្រាទុក នៅក្នុងកំណត់ហេតុ ប្រចាំថ្ងៃរបស់ពួកគេ ហើយគ្រោងនឹងស៊ើបអង្កេត ឱ្យបានហ្មត់ចត់ថែមទៀត នៅលើកោះនេះ។
មន្ត្រីដដែលបានឲ្យ ដឹងទៀតថាទូកទាំង ៥ គ្រឿង ជាកម្មសិទ្ធិរបស់ភាគីផ្សេងៗរួម មានសហករណ៍ជលផល ក្នុងតំបន់ Nemuro ភាគខាងកើតកោះហុកកៃដូ យ៉ាងណាមិញ នៅមិនទាន់មានប្រតិកម្ម ចេញពីភាគីជប៉ុននៅឡើយទេ ៕
ដោយ ឈូក បូរ៉ា
