សេអ៊ូល៖ របាយការណ៍មួយ បានបង្ហាញកាលពីថ្ងៃអាទិត្យថាទីផ្សាររថយន្ត របស់ប្រទេសកូរ៉េខាងត្បូងត្រូវបានគេរំពឹងថា នឹងកើនឡើង ១,២ ភាគរយនៅឆ្នាំក្រោយ ដោយងាកចេញពី ការប៉ាន់ស្មាន នៅឆ្នាំនេះដែល ធ្លាក់ចុះ ៣,៦ ភាគរយ។
យោងតាមរបាយការណ៍ដែលរៀបចំឡើង ដោយក្រុមហ៊ុនហ៊ីយ៉ាន់ដាយគ្រុប ទីផ្សាររថយន្តត្រូវបានរំពឹងថា នឹងឈានដល់ចំនួន ១,៧៧ លានគ្រឿងនៅឆ្នាំក្រោយ បន្ទាប់ពីការប៉ាន់ស្មាននៅឆ្នាំនេះ ដែលមានចំនួន ១,៧៥ លានគ្រឿង។
របាយការណ៍បានឲ្យដឹងថាសហរដ្ឋអាមេរិក ដែលជាទីផ្សាររថយន្តធំជាងគេ របស់ពិភពលោក នឹងទទួលរងការធ្លាក់ចុះ នៃការលក់រថយន្ត សម្រាប់ឆ្នាំទី ២ ជាប់ៗគ្នាខណៈដែលប្រទេសចិន នឹងមានការកើនឡើង ៣,៩ ភាគរយនៅក្នុង ការលក់រថយន្តដែលជាការស្ទុះងើបឡើង វិញបន្ទាប់ពីការធ្លាក់ចុះ អស់រយៈពេល ៣ ឆ្នាំ៕ដោយ ឈូក បូរ៉ា
