ព័ត៌មានអន្តរជាតិ

វៀតណាម បន្តបិទសាលារៀន រហូតដល់ជិត ពាក់កណ្តាលខែក្រោយ ដោយសារតែការព្រួយបារម្ភ នៃការរីករាលដាល នៃវីរុស Covid-19

បរទេស៖ រដ្ឋាភិបាលទីក្រុង ហូជីមិញ បានសំរេចចិត្តបន្តបិទសាលារៀនរហូតដល់យ៉ាងហោចណាស់ថ្ងៃទី ៨ ខែមីនា និងសិស្សក្មេងៗរហូតដល់ថ្ងៃទី ១៥ ខែមីនា ដោយសារតែការព្រួយបារម្ភនៃការរីករាលដាលនៃវីរុស Covid-19។

យោងតាមសារព័ត៌មាន VN Express ចេញផ្សាយនៅថ្ងៃទី២៩ ខែកុម្ភៈ ឆ្នាំ២០២០ បានឱ្យដឹងថា ទីក្រុងភាគខាងត្បូងគឺជាទីក្រុងចុងក្រោយបង្អស់ នៅក្នុងប្រទេសវៀតណាម ដែលបានធ្វើបច្ចុប្បន្នភាពផែនការ នៃការបិទសាលារបស់ខ្លួន ខណៈដែលទីក្រុងនិងខេត្តចំនួន ៦២ ផ្សេងទៀតបានប្រកាសកាលពីថ្ងៃសុក្រ ដើម្បីអនុញ្ញាតឱ្យសិស្សទាំងអស់ ពីមត្តេយ្យទៅអនុវិទ្យាល័យស្នាក់នៅផ្ទះរយៈពេលមួយ ឬពីរសប្តាហ៍ទៀត។

ទីក្រុងនិងខេត្តភាគច្រើន នឹងបញ្ជូនសិស្សវិទ្យាល័យឬសិស្សថ្នាក់ទី ១២ ត្រឡប់ទៅសាលាវិញនៅថ្ងៃច័ន្ទនេះ ខណៈដែលមានតែមួយចំនួនប៉ុណ្ណោះ រួមទាំងទីក្រុងហាណូយបានផ្តល់ឱ្យពួកគេ នូវការឈប់សម្រាកមួយសប្តាហ៍ទៀត។

សិស្សវិទ្យាល័យនិងជាពិសេសសិស្សថ្នាក់ទី ១២ មានសម្ពាធបន្ថែមទៀតដើម្បីរក្សាផែនការសិក្សា របស់ពួកគេនៅពេលពួកគេប្រឡងជាប់មធ្យមសិក្សាទុតិយភូមិ នៅរដូវក្តៅ។ ការប្រឡងធ្វើឡើងនៅខែមិថុនាឆ្នាំមុនប៉ុន្តែត្រូវបាន រៀបចំឡើងវិញនៅខែកក្កដាឆ្នាំនេះ។

ការពង្រីកការបិទសាលា បានកើតឡើងចំពេលមានការវិវត្តដ៏ស្មុគស្មាញ នៃការរីករាលដាលរបស់មេរោគ Covid-19 ដែលឥឡូវនេះប៉ះពាល់ដល់ ប្រទេសចំនួន ៦០ និងបានសម្លាប់មនុស្សជិត ៣.០០០ នាក់៕

ប្រែសម្រួលៈ ណៃ តុលា

To Top