សេអ៊ូល៖ ប្រទេសកូរ៉េខាងត្បូង គ្រោងនឹងបើកសាលារៀន និងកន្លែងសាធារណៈ ដូចជាសួនច្បារ និងបណ្ណាល័យ ឡើងវិញ ខណៈដែលយុទ្ធនាការគម្លាត សង្គមយ៉ាងតឹងរឹង របស់ប្រទេសនេះ បានឈានដល់ទីបញ្ចប់ ចំពេលមានការព្រួយបារម្ភ បានថយចុះ ចំពោះការឆ្លងមេរោគ។
យោងតាមសារព័ត៌មាន The Straits Times ចេញផ្សាយនៅថ្ងៃទី៤ ខែឧសភា ឆ្នាំ២០២០ បានឱ្យដឹងថា ថ្ងៃអង្គារ (ទី ៥ ឧសភា) នឹងក្លាយជាថ្ងៃចុងក្រោយនៃយុទ្ធនាការទូទាំងប្រទេស ដែលបានជួយទប់ស្កាត់ការ រីករាលដាលនៃវីរុស ដែលបានកើតឡើងដំបូងនៅថ្ងៃទី ២០ ខែមករា។
មានតែករណីថ្មីចំនួន ៨ ប៉ុណ្ណោះ ដែលត្រូវបានរាយការណ៍នៅថ្ងៃច័ន្ទ ដែលធ្វើឱ្យចំនួនឆ្លងសរុបកើនឡើងដល់ ១០.៨០១ នាក់។ ករណីថ្មីទាំងអស់ សុទ្ធតែត្រូវបាននាំចូល។
ក្រសួងអប់រំកូរ៉េខាងត្បូង បានឱ្យដឹងនៅថ្ងៃច័ន្ទថា សិស្សអនុវិទ្យាល័យនឹងក្លាយជាមនុស្សដំបូង ដែលបានវិលត្រឡប់ទៅសាលារៀនវិញ នៅថ្ងៃទី ១៣ ខែឧសភា ខណៈដែលសិស្សនៅសល់ នឹងត្រូវធ្វើឡើងតាមដំណាក់កាល។
ឆ្នាំសិក្សាថ្មីត្រូវបានពន្យារពេលជាង ៥ សប្តាហ៍ទៀត មុនពេលសាលារៀនប្តូរ ទៅរៀនតាមអ៊ិនធឺរណែត ចាប់ពីថ្ងៃទី ៩ ខែមេសា៕
ប្រែសម្រួលៈ ណៃ តុលា
