បរទេស៖ យោងតាមសារព័ត៌មានវិទ្យុអាសុីសេរី ជាភាសាវៀតណាមបានអោយដឹងនៅថ្ងៃ១៤ ឧសភានេះថា វៀតណាមប្រឆាំងនឹងចិន ក្នុងការបញ្ជូនយន្តហោះស៊េីបការណ៍ទៅ Cross Stone នៅសមុទ្រចិនខាងត្បូង ហើយក៏ជំទាស់ឡាវពីការកសាងទំនប់ជាច្រើនទៀត នៅលើដងទន្លេមេគង្គ។
អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang នៅថ្ងៃទី ១៤ ខែឧសភា ២០២០ បានធ្វើការជំទាស់នឹងប្រទេសចិន ជុំវិញយន្តហោះចិនដែលបានបង្ហាញខ្លួននៅលើដែនថ្ម cross stone នៅកោះស្ព្រាតលី ។
ការជំទាស់នេះត្រូវបានលើកឡើង នៅក្នុងសន្និសីទសារព័ត៌មានមួយនៅទីក្រុងហាណូយ នៅពេលដែលប្រព័ន្ធផ្សព្វផ្សាយ បានចោទជាសំនួរអំពីក្រុមហ៊ុនរូបភាពផ្កាយរណបអ៊ីស្រាអែលមួយឈ្មោះ ImageSat International (ISI) នៅថ្ងៃទី ១៣ ខែឧសភា ២០២០ សម្រាប់ការចេញផ្សាយរូបថត នៅថ្ងៃទី ៩ ឧសភា ២០២០។ ការបង្ហាញយន្តហោះចំបាំងជាការព្រមាន
របស់ចិនប្រភេទ KJ-500, KQ-200 និងឧទ្ធម្ភាគចក្រ Z-8 ដែលបង្ហាញខ្លួននៅ Cross Stone ។
យោងតាម ISI យន្តហោះទាំងនេះត្រូវបានយកចេញពីកន្លែងផ្ទុក និងចតនៅខាងក្រៅ។ នេះបង្ហាញថានៅម្តុំ Cross Stone គឺជាកន្លែងដែលប្រទេសចិន បានប្រើជាមូលដ្ឋានសម្រាប់សកម្មភាពឈ្លបយកការណ៍ ដោយយន្តហោះនៅក្នុងតំបន់។
នៅក្នុងសន្និសីទកាសែតជាប្រចាំនារសៀលថ្ងៃទី ១៤ ឧសភា ២០២០ លោកស្រី Le Thi Thu Hang អ្នកនាំពាក្យក្រសួងការបរទេស ក៍បានជំទាស់នឹងប្រទេសឡាវដែរ លើផែនការសាងសង់ទំនប់វារីអគ្គិសនីទី ៦ នៅលើដងទន្លេមេគង្គ។ នោះគឺជាទំនប់វារីអគ្គិសនី សាណាខាំ (Sanakham)។
ព័ត៌មានដែលបានចេញផ្សាយ នៅសប្តាហ៍នេះបាននិយាយថា រដ្ឋាភិបាលឡាវគ្រោងនឹងសាងសង់ទំនប់វារីអគ្គិសនី សាណាខាំ (Sanakham) នៅលើដងទន្លេមេគង្គហើយគេរំពឹងថា នឹងចាប់ផ្តើមសាងសង់នៅចុងឆ្នាំនេះ។
ទីភ្នាក់ងារព័ត៌មានរ៉យទ័ របានដកស្រង់សម្តីគណៈកម្មការទន្លេមេគង្គ អោយដឹងថាការចំណាយសាងសង់រោងចក្រវារីអគ្គិសនី សាណាខាំនេះមានចំនួនជាង ២ ពាន់លានដុល្លារ។ ក្រុមហ៊ុនសាងសង់ទំនប់វារីអគ្គិសនីមួយនេះ គឺក្រុមហ៊ុនដាថាងសាណាខាំ (Datang Sanakham) គឺជាក្រុមហ៊ុនបុត្រសម្ព័ន្ធ របស់ក្រុមហ៊ុនផលិតអគ្គិសនីអន្តរជាតិ Datang របស់ ប្រទេសចិន។
រោងចក្រវារីអគ្គិសនីនេះ ត្រូវបានគេប៉ាន់ស្មានថាមានកម្លាំងប្រហែល ៦៨៤ មេហ្គាវ៉ាត់ ហើយគ្រោងនឹងចាប់ផ្តើម ដំណើរការនៅឆ្នាំ ២០២៨ ។ ទំនប់វារីអគ្គិសនីនេះមានទីតាំងស្ថិតនៅរវាងខេត្តសាយ៉ាបូរី និងខេត្តវៀងច័ន្ទប្រទេសឡាវចម្ងាយប្រហែល 2km ពីព្រំដែនថៃ៕៚
ដោយ៖ Leo
