បរទេស៖ កាលពីម្សិលមិញ រដ្ឋាភិបាលថៃបានរាយការណ៍ពីករណីឆ្លងថ្មី មេរោគកូវីដ១៩ ចំនួន ១៧ ករណី ក្នុងចំណោមអ្នកកំពុងធ្វើចត្តាឡីស័ក ឬអ្នកដែលដាក់ ឱ្យនៅដាច់ដោយឡែក ដែលទើបត្រឡប់មកពីបរទេស ដែលជាហេតុធ្វើឱ្យមានការព្រួយបារម្ភ អំពីការឆ្លងរាលដាលរលកទីពីរក្នុងតំបន់។
យោងតាមសារព័ត៌មាន Bangkok Post ចេញផ្សាយនៅថ្ងៃទី១៥ ខែសីហា ឆ្នាំ២០២០ បានឱ្យដឹងថា មជ្ឈមណ្ឌលសម្រាប់ការគ្រប់គ្រង ស្ថានភាព Covid-19 (CCSA) កាលពីម្សិលមិញបាននិយាយថា មនុស្ស ១៥ នាក់ក្នុងចំណោម ១៧ នាក់ ដែលរកឃើញវិជ្ជមានវីរុស គឺជាជនជាតិថៃ ដែលមានអាយុពី ១២ ទៅ ៧២ ឆ្នាំ ដែលបានមកដល់ប្រទេសឥណ្ឌាពីថ្ងៃអាទិត្យ។ ចំណែក ២ នាក់ទៀតជាបុរសជនជាតិថៃ ដែលត្រឡប់មកពីសហរដ្ឋអាមេរិក និង ប្រទេសអូស្ត្រាលី។
អ្នកទាំង ១៧ នាក់បានធ្វើតេស្តិ៍វិជ្ជមានចំពោះជំងឺនេះ ដោយគ្មាននរណាម្នាក់ លេចចេញរោគសញ្ញា ។ អ្នកដែលត្រឡប់មកពីបរទេសទាំងនោះ គឺត្រូវបានគេបញ្ជូនទៅដាក់ឱ្យនៅ ដាច់ដោយឡែក នៅក្នុងខេត្តឈុនបូរី បន្ទាប់ពីពួកគេបានមកដល់។
លោកវេជ្ជបណ្ឌិត Thira Woratanarat អ្នកជំនាញផ្នែកថ្នាំបង្ការ នៅមហាវិទ្យាល័យវេជ្ជសាស្ត្រ នៃសាកលវិទ្យាល័យជូឡាឡុងកន បាននិយាយកាលពីម្សិលមិញថា តួលេខនេះបង្ហាញពីចំនួននៃការឆ្លងខ្ពស់បំផុត ក្នុងចំនោមអ្នកដែលត្រឡប់ មកពីក្រៅប្រទេស៕
ប្រែសម្រួលៈ ណៃ តុលា
