បរទេស៖ រដ្ឋមន្ត្រីការបរទេសសហរដ្ឋអាមេរិក លោក Mike Pompeo បានប្រកាសនៅពេលថ្មីៗនេះថា លោក ជាឯកអគ្គរដ្ឋទូតអាមេរិក ប្រចាំនៅអង្គការសហប្រជាជាតិ នឹងធ្វើដំណើរទស្សនកិច្ចតៃវ៉ាន់ ជាហេតុធ្វើឲ្យប្រទេសចិន ដែលអះអាងកម្មសិទ្ធិលើកោះតៃវ៉ាន់ មានការខឹងសម្បារជាខ្លាំង។
តាមសេចក្តីរាយការណ៍ ដំណើរទស្សនកិច្ចនោះ នឹងជាទស្សនកិច្ចលំដាប់ខ្ពស់ លើកទី៣របស់អាមេរិក មកកាន់កោះកាន់ លទ្ធិប្រជាធិបតេយ្យនេះ គិតចាប់តាំងពីខែសីហាមក ហើយនោះគឺជាផ្នែក នៃការបង្កើនការគាំទ្រ របស់រដ្ឋបាលលោក ត្រាំ ចំពោះតៃវ៉ាន់ បើទោះជា គ្មានចំណងការទូតផ្លូវការក៏ដោយ។
គួរបញ្ជាក់ថា រដ្ឋមន្ត្រីសុខាភិបាល និងសេវាកម្មមនុស្សសហរដ្ឋអាមេរិក លោក Alex Azar បានធ្វើទស្សនកិច្ចកោះតៃវ៉ាន់ កាលពីថ្ងៃទី០៩ដល់ថ្ងៃទី១២ ខែសីហា ដោយលោក ជាមន្ត្រីជាន់ខ្ពស់អាមេរិកដំបូងគេ ដែលធ្វើទស្សនកិច្ចតៃវ៉ាន់ ចាប់តាំងពីឆ្នាំ២០១៤មក ហើយនិងជាមន្ត្រីជាន់ខ្ពស់បំផុតរបស់អាមេរិក ដែលបានធ្វើទស្សនកិច្ច ក្នុងរយៈពេល៤ទសវត្ស៕ ប្រែសម្រួល៖ប៉ាង កុង
