ព័ត៌មានអន្តរជាតិ

ការចំណាយលើវិស័យ IT របស់ចិន នឹងកើនឡើងដល់ជាង ៣៤៦ពាន់លានដុល្លារ ក្នុងឆ្នាំ២០២១

ប៉េកាំង៖ ការចំណាយរបស់ចិនលើបច្ចេកវិទ្យាព័ត៌មានវិទ្យា (IT) នឹងកើនឡើង ១០ ភាគរយពីមួយឆ្នាំទៅមួយឆ្នាំដល់ជាង ២,២១ ពាន់ពាន់លានយន់ (ប្រហែល ៣៤៦,១ ពាន់លានដុល្លារអាមេរិក) ក្នុងឆ្នាំ២០២១ នេះបើយោងតាមរបាយការណ៍ឧស្សាហកម្មមួយ។

របាយការណ៍ដែលចេញដោយក្រុមហ៊ុនស្រាវជ្រាវទីផ្សារអន្តរជាតិ International Data Corporation (IDC) បានឲ្យដឹងថា ការផ្ទុះឡើងនៃជំងឺកូវីដ-១៩ បានជំរុញដល់ការធ្វើឱ្យប្រសើរឡើងនូវសេដ្ឋកិច្ចតាមអ៊ិនធឺណិត និងលើកកម្ពស់ការអភិវឌ្ឍវិស័យឱសថ និងការអប់រំតាមទូរគមនាគមន៍នៅក្នុងប្រទេស។

IDC បានឲ្យដឹងថា រដ្ឋាភិបាលចិន បានចាប់ផ្តើមអនុវត្តផែនការ ៥ ឆ្នាំលើកទី ១៤ របស់ខ្លួន នៅឆ្នាំនេះ ដែលនឹងជំរុញកំណើននៃការចំណាយរបស់ខ្លួន ទៅលើបច្ចេកវិទ្យា IT ក្នុងប៉ុន្មានឆ្នាំខាងមុខនេះ។

ទិន្នន័យបានបង្ហាញថា តំបន់ដីសណ្តទន្លេយ៉ាងសេ ដែលមានខេត្ត ចឺជាំង ជាំងស៊ូ និងអានហួយក៏ដូចជាក្រុងសៀងហៃ នឹងឃើញថាការចំណាយព័ត៌មានវិទ្យារបស់ពួកគេ ឈានដល់ជាង ៥១៨ ពាន់លានយ័ន នៅឆ្នាំ ២០២១៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top