បរទេស៖ អ្នកជំនាញខាងជំងឺផ្លូវដង្ហើម កាលពីម្សិលមិញ បានអំពាវនាវឱ្យរដ្ឋាភិបាលថៃ បញ្ឈប់ការទិញវ៉ាក់សាំងស៊ីណូវាក់ របស់ចិនរហូតដល់មានការចាក់ថ្នាំជំនាន់ថ្មី ដែលអាចការពារប្រឆាំងនឹងគ្រប់ប្រភេទវីរុសកូរ៉ូណាវ៉ា ត្រូវបានបង្កើតឡើង។
យោងតាមសារព័ត៌មាន Bangkok Post ចេញផ្សាយនៅថ្ងៃទី២៣ ខែកក្កដា ឆ្នាំ២០២១ បានឱ្យដឹងថា គណៈរដ្ឋមន្រ្តីនាពេលថ្មីៗនេះបានយល់ព្រមទិញវ៉ាក់សាំង ស៊ីណូវ៉ាក់ចំនួន ១០,៩ លានដូសបន្ថែមទៀត ដែលមានតម្លៃ ៦,១ ពាន់លានបាត។
លោក Manoon Leechawengwongs ប្រធានផ្នែកសង្គ្រោះបន្ទាន់របស់មន្ទីរពេទ្យ Vichaiyut បាននិយាយថា ខណៈពេលដែលវ៉ាក់សាំងស៊ីណូវ៉ាកមានប្រសិទ្ធភាពការពារជំងឺនិងមរណភាពធ្ងន់ធ្ងរនោះ , ភាពស៊ាំដែលវ៉ាក់សាំងផ្តល់ដោយធម្មជាតិ កាត់បន្ថយតាមពេលវេលា។
លោកបន្តថា ដូច្នេះរដ្ឋាភិបាលគួរតែបញ្ឈប់ការទិញវ៉ាក់សាំងនេះរហូតដល់មានវ៉ាក់សាំងជំនាន់មួយ ដែលមានប្រសិទ្ធភាពប្រឆាំង នឹងវីរុសឆ្លងវីរុសទាំងអស់៕ប្រែសម្រួលៈ ណៃ តុលា
