ព័ត៌មានអន្តរជាតិ

កូរ៉េខាងជើង ចម្អកថា មីស៊ីល បាញ់ចេញពីនាវាមុជទឹក កូរ៉េខាងត្បូង គ្មានជំនាញនិងសាមញ្ញ

បរទេស៖ក្រុមវិភាគយោធាកូរ៉េខាងជើងមួយ នៅថ្ងៃចន្ទនេះ បានធ្វើការចម្អកដល់មីស៊ីលផ្លោងបាញ់ចេញពីនាវាមុជទឹក ដែលកូរ៉េខាងត្បូងបាញ់តេស្តថ្មីៗនេះ ថាគ្មានជំនាញច្បាស់លាស់ និងសាមញ្ញធម្ម ប៉ុន្តែបានព្រមានថា ការអភិវឌ្ឍវា នឹងបង្កឲ្យមានភាពតានតឹងឆ្លងព្រំដែន។

ទាំងប្រទេសកូរ៉េខាងត្បូង និងប្រទេសកូរ៉េខាងជើង ដែលកំពុងតែធ្វើការអភិវឌ្ឍអាវុធកាន់តែទំនើបខ្លាំងឡើង ស្របពេលមានភាពជាប់គាំងក្នុងកិច្ចប្រឹងប្រែងបន្ធូរបន្ថយភាពតានតឹង នៅលើឧបទ្វីបកូរ៉េនោះ នៅថ្ងៃពុធសប្ដាហ៍មុន បានធ្វើតេស្តមីស៊ីលផ្លោង។

លោក Jang Chang Ha ជាប្រធានបណ្ឌិតសភាវិទ្យាសាស្ត្រការពារជាតិ ជាមជ្ឈមណ្ឌលអភិវឌ្ឍន៍និងផលិតអាវុធដំណើរការដោយរដ្ឋកូរ៉េខាងជើង បាននិយាយក្នុងបទវិចារណកថាមួយលើកាសែត KCNA ថា រូបថតមីស៊ីលដ៏ថ្មីបំផុតរបស់កូរ៉េខាងត្បូង លើប្រព័ន្ធផ្សព្វផ្សាយ បានបង្ហាញឲ្យឃើញនូវអាវុធគ្មាន ការយកចិត្តទុកដាក់ ដែលមិនមានទាំងរាងជាមីស៊ីលផ្លោងបាញ់ចេញពី នាវាមុជទឹកផង។

លោកបាននិយាយបន្ថែមទៀតថា មីស៊ីលនោះ ហាក់ជាកំណែទម្រង់ថ្មីមួយនៃមីស៊ីលផ្លោងវាយប្រហារពីផ្ទៃសមុទ្រទៅលើផ្ទៃសមុទ្រ Hyunmoo របស់ប្រទេសកូរ៉េខាងត្បូង ដែលមានផ្នែកនៃក្បាលគ្រាប់ គឺជាការចម្លងតាមមីស៊ីលបាញ់ចេញពីនាវាមុជទឹក K-15 SLBM របស់ប្រទេសឥណ្ឌា៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top