ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១២ ខែតុលា ឆ្នាំ២០២១ថា មន្រ្តីក្នុងតំបន់បានឲ្យដឹង នៅថ្ងៃអង្គារនេះថា មនុស្សយ៉ាងតិច ១៥នាក់ បានស្លាប់ដោយសារ ភ្លៀងធ្លាក់ខ្លាំងខុសពីធម្មតា និងទឹកជំនន់នៅខេត្តសានស៊ី ស្ថិតនៅភាគខាងជើងប្រទេសចិន កាលពីដើមខែនេះ បន្ទាប់ពីតំបន់ស្ងួតធម្មតា ទទួលបានទឹកភ្លៀង៣ខែក្នុង ១សប្តាហ៍។
គ្រោះទឹកជំនន់បានវាយលុក មកតំបន់ជាប់គាំងដែលមានរ៉ែធ្យូងថ្ម ក្នុងកំឡុងពេលមានវិបត្តិសេដ្ឋកិច្ច ទូទាំងប្រទេស ហើយបន្ទាប់ពីគ្រោះទឹកជំនន់ បានសម្លាប់មនុស្សជាង ៣០០នាក់ នៅខេត្តហឺណាន ដែលស្ថិតនៅភាគកណ្តាល កាលពីខែកក្កដា ។
លោក Wang Qirui មន្រ្តីគ្រប់គ្រងគ្រាអាសន្នក្នុងតំបន់ បានឲ្យដឹងនៅក្នុងសន្និសីទ សារព័ត៌មានមួយថា យ៉ាងហោចណាស់ អណ្តូងរ៉ែធ្យូងថ្មចំនួន៦០ នៅក្នុងខេត្តដែលជាតំបន់ផលិតធ្យូងថ្ម ឈានមុខគេរបស់ប្រទេសចិន បានបិទទ្វារជាបណ្តោះអាសន្ន ដោយសារទឹកជំនន់ ប៉ុន្តែបច្ចុប្បន្ននេះនៅសល់តែចំនួន ៤ប៉ុណ្ណោះដែលបានវិលត្រឡប់មក ដំណើរការធម្មតាវិញ ។
លោក Wang បានឲ្យដឹងថា អគារប្រហែល ១៩.០០០ខ្នង ត្រូវបានបំផ្លាញដោយអាកាសធាតុ អាក្រក់ដោយមាន ១៨.០០០ ខ្នងផ្សេងទៀតត្រូវបាន ខូចខាតយ៉ាងធ្ងន់ធ្ងរ ។
លោក Wang បានបន្ថែមថា “មនុស្ស១៥នាក់បានស្លាប់ ដោយសារគ្រោះមហន្តរាយនេះ ហើយមនុស្ស ៣នាក់នៅតែបន្តបាត់ខ្លួន” ៕
ប្រែសម្រួលដោយ៖ ម៉ៅ បុប្ផាមករា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
