ព័ត៌មានអន្តរជាតិ

យោធាប៉ាគីស្ថាន បើកការបាញ់ប្រហារ ទៅលើទូកនេសាទឥណ្ឌា ស្លាប់ម្នាក់ និងរបួសធ្ងន់ម្នាក់

បរទេស៖ ប្រព័ន្ធផ្សព្វផ្សាយឥណ្ឌា បានរាយការណ៍កាលពីថ្ងៃអាទិត្យថា អ្នកនេសាទម្នាក់បានស្លាប់ និងម្នាក់ទៀតរងរបួស បន្ទាប់ពីកងកម្លាំងសន្តិសុខ ដែនសមុទ្រប៉ាគីស្ថាន (PMSA) បានបើកការបាញ់ប្រហារលើ ទូកនេសាទឥណ្ឌានៅសមុទ្រអារ៉ាប់។

ផ្ទាំងពាណិជ្ជកម្ម

យោងតាមសារព័ត៌មាន Sputnik ចេញផ្សាយនៅថ្ងៃទី៨ ខែវិច្ឆិកា ឆ្នាំ២០២១ បានឱ្យដឹងថា ប៉ូលិសក្នុងតំបន់ត្រូវបានគេដកស្រង់សម្ដីដោយទូរទស្សន៍ NDTVថា «អ្នកនេសាទម្នាក់មកពីរដ្ឋ Maharashtra ដែលនៅលើទូកនេសាទ ‘Jalpari’ ត្រូវបានសម្លាប់បន្ទាប់ពីបុគ្គលិកឆ្នាំសមុទ្រ PMSA បានបើកការបាញ់ប្រហារលើគាត់ និងសមាជិកនាវិកផ្សេងទៀតកាលពីល្ងាចថ្ងៃសៅរ៍»។

ជនរងគ្រោះត្រូវគេបាញ់ចំទ្រូង ហើយ បុរសម្នាក់ទៀតរងរបួសធ្ងន់បញ្ជូនទៅមន្ទីរពេទ្យ ។ សារព័ត៌មានបាននិយាយថា មានមនុស្សចំនួន ៧ នាក់នៅលើទូក។ ប្រភពអនាមិកបានប្រាប់ NDTV ថា អ្នកនេសាទមិនបានបង្ករឿងដល់យោធាប៉ាគីស្ថានទេ៕ប្រែសម្រួលៈ ណៃ តុលា

To Top
×