ព័ត៌មានអន្តរជាតិ

អាមេរិក ដាក់ការស៊ើបអង្កេត លើនាវាទេសចរណ៍ សម្រាប់ការផ្ទុះ នៃជំងឺកូវីដ-១៩

វ៉ាស៊ីនតោន៖ មជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក (CDC) កំពុងស៊ើបអង្កេតលើកប៉ាល់ទេសចរណ៍បន្ថែមទៀត ដោយសារករណីផ្ទុះជំងឺកូវីដ-១៩ នៅលើនោះ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។

នាវាសរុបចំនួន ៨៨គ្រឿង ស្ថិតក្រោមការស៊ើបអង្កេត ឬអង្កេតរបស់ CDC សម្រាប់ការផ្ទុះឡើងនៃជំងឺកូវីដ-១៩។  នាវាចំនួន ៤គ្រឿងផ្សេងទៀតក៏កំពុង ត្រូវបានត្រួតពិនិត្យដោយ CDC ផងដែរ នេះបើយោងតាមទិន្នន័យចុងក្រោយបំផុត នៅលើគេហទំព័រ CDC ។

ទីភ្នាក់ងារនេះបានឲ្យដឹងថា CDC នឹងតាមដានជាមួយនឹងកប៉ាល់ទេសចរណ៍ នៅពេលដែលការស៊ើបអង្កេតត្រូវបានទាមទារ នៅពេលដែលកប៉ាល់ចាប់ផ្តើមធ្វើដំណើរជាមួយអ្នកដំណើរនៅលើការធ្វើដំណើរ ឬដាក់កម្រិតក្រោមការពន្យារបណ្តោះអាសន្ន និងការកែប្រែក្របខ័ណ្ឌ សម្រាប់ការធ្វើដំណើរតាមលក្ខខណ្ឌរបស់ CDC ។

ខណៈពេលដែលការជិះទូកកម្សាន្ត នឹងតែងតែបង្កហានិភ័យខ្លះនៃការឆ្លងជំងឺកូវីដ-១៩ CDC ប្តេជ្ញាធ្វើការជាមួយប្រតិបត្តិករនាវាទេសចរណ៍ ដើម្បីធានាថា ប្រតិបត្តិការនាវាទេសចរណ៍ត្រូវបានធ្វើឡើងតាមរបៀបដែលកាត់បន្ថយហានិភ័យនៃការឆ្លងជំងឺកូវីដ-១៩ ក្នុងចំណោមសមាជិកនាវិក អ្នកដំណើរ និង បុគ្គលិកកំពង់ផែ នេះបើតាមការឲ្យដឹងនៅលើគេហទំព័ររបស់ខ្លួន។

ផ្ទាំងពាណិជ្ជកម្ម

គួរបញ្ជាក់ថា នៅអាមេរិក សព្វថ្ងៃនេះ ករណី ឆ្លងជំងឺកូវីដ-១៩ កំពុងកើនឡើងដល់កម្រិតខ្ពស់ម្តងទៀត ដោយសារទម្រង់ឆ្លងថ្មីអូមីក្រុង បន្តជំរុញឱ្យមានការឆ្លងខ្ពស់ខ្លាំង។

ជាមួយគ្នានេះដែរ ប្រទេសនេះបានចុះបញ្ជីកំណត់ត្រាថ្មីដ៏ក្រៀមក្រំនៃករណីឆ្លងជំងឺកូវីដ-១៩ ប្រចាំថ្ងៃជាង ៥១ម៉ឺនករណី កាលពីថ្ងៃចន្ទ នេះបើយោងតាមទិន្នន័យរបស់សាកលវិទ្យាល័យ Johns Hopkins ៕

ដោយ ឈូក បូរ៉ា

To Top