បរទេស៖ ប្រធានាធិបតីនៃប្រទេសអ៊ុយក្រែនលោក Volodymyr Zelensky បានបំពេញទស្សនកិច្ចទៅកាន់ ទីក្រុង Bucha កាលពីថ្ងៃចន្ទ ម្សិលមិញដើម្បីអាចបញ្ជាក់ឡើងវិញពីការចោទប្រកាន់ទៅ លើប្រទេសរុស្សីចំពោះករណី បទ ឧក្រិដ្ឋកម្មសង្គ្រាម និងអំពាវនាវសុំឲ្យមានការថ្កោលទោស ធ្ងន់ធ្ងរ ចំពោះការបាត់បង់ជីវិតពលរដ្ឋ ស៊ីវិលអ៊ុយក្រែន ជាច្រើននាក់នៅទីនេះ។
យោងតាមការចេញផ្សាយរបស់ rt បានឲ្យដឹងដែរថាទីក្រុងនេះ ស្ថិតនៅភាគពាយ័ព្យនៃរដ្ឋធានីអ៊ុយក្រែន ហើយកាលពីចុងសប្តាហ៍ កន្លងមកបានក្លាយទៅ ជាប្រធានបទយ៉ាងក្តៅគគុកចំពោះការបាត់បង់ជីវិត ពលរដ្ឋស៊ីវិលជាច្រើននាក់ដេកស្លាប់ពាសពេញផ្លូវ ដោយសារការវាយប្រហារពីសំណាក់រុស្សី។
លោក Zelensky បានធ្វើដំណើរមកដល់ទីនេះកង កម្លាំងយោធាដែលមានចំនួនយ៉ាង ច្រើននិងព្រមទាំងជាមួយនឹងក្រុមអ្នកកាសែត បរទេសជាច្រើនផងដែរ ដើម្បីអាចធ្វើការរាយការណ៍ ចេញពីទីតាំងនេះទុកធ្វើជាភស្តុតាង សម្រាប់ចោទប្រកាន់រុស្សី៕
ប្រែសម្រួល៖ស៊ុនលី
Recommended for you
