ថ្ងៃទី១១ ខែមេសា លោក Zhao Lijian អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទសារព័ត៌មានជាប្រចាំ ។ មានអ្នកសារព័ត៌មានលើកឡើងនូវសំណួរអំពីការផ្លាស់ប្តូរស្ថានភាពនយោបាយនៃប៉ាគីស្ថាន ។
ទាក់ទិននឹងសំណួរនេះ លោក Zhao Lijian បានថ្លែងថា ប្រទេសចិនបានចាប់អារម្មណ៍ដល់ថា ស្ថានការណ៍នៃប្រទេសប៉ាគីស្ថានមានការផ្លាស់ប្តូរ ក្នុងនាមជាប្រទេសជិតខាងនិងមិត្តដែកថែបរបស់ប៉ាគីស្ថាន ប្រទេសចិនសង្ឃឹមយ៉ាងស្មោះថា គ្រប់បក្ខទាំងអស់របស់ប៉ាគីស្ថានអាចរក្សាបាននូវសាមគី្គភាព រួមគ្នាគាំពារស្ថានការណ៍ស្ថិរភាពនិងវឌ្ឍនភាពជាទូទៅរបស់ប្រទេសជាតិ ។
លោក Zhao Lijian បានគូសបញ្ជាក់ថា មិនថាស្ថានការណ៍នយោបាយរបស់ប៉ាគីស្ថានមានការផ្លាស់ប្តូរយ៉ាងណាក៏ដោយ ក៏ប្រទេសចិននឹងប្រកាន់ខ្ជាប់គោលនយោបាយមេត្រីភាពជាមួយប៉ាគីស្ថានយ៉ាងមុតមាំមិនងាករេ ។
ប្រទេសចិនជឿជាក់ថា ការផ្លាស់ប្តូរស្ថានការណ៍នយោបាយរបស់ប៉ាគីស្ថាននឹងមិនប៉ះពាល់ដល់សភាពការណ៍ទូទៅនៃទំនាក់ទំនងរវាងចិននិងប៉ាគីស្ថាននោះទេ ៕
