ប្រមុខយូអិន នឹងទស្សនកិច្ចតួកគី មុនជំនួបជាមួយ មេដឹកនាំរុស្ស៉ី និងអ៊ុយក្រែន

យូអិន៖ អគ្គលេខាធិការអង្គការសហប្រជាជាតិ លោក Antonio Guterres នឹងទៅបំពេញទស្សនកិច្ចនៅប្រទេសតួកគីនៅថ្ងៃចន្ទនេះ មុនពេលមានកិច្ចពិភាក្សានៅទីក្រុងមូស្គូ និងទីក្រុងគៀវ ដែលជាផ្នែកមួយនៃកិច្ចខិតខំប្រឹងប្រែង ដើម្បីដោះស្រាយជម្លោះរវាងរុស្ស៊ី និងអ៊ុយក្រែន ខាង ក្រោម នេះ គឺ ជា ការ វិវត្តន៍ ចុង ក្រោយ បង្អស់៖

ក្រសួងការបរទេសតួកគីបាននិយាយកាលពីថ្ងៃអាទិត្យថា អគ្គលេខាធិការនឹងមានកិច្ចប្រជុំជាមួយប្រធានាធិបតីទួរគី Recep Tayyip Erdogan នៅក្នុងរដ្ឋធានីអង់ការ៉ា នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ ។

អ្នកនាំពាក្យអង្គការសហប្រជាជាតិបានឲ្យដឹងកាលពីថ្ងៃសុក្រថាលោក Guterres នឹងជួបជាមួយប្រធានាធិបតីរុស្ស៊ីលោក Vladimir Putin និងប្រធានាធិបតីអ៊ុយក្រែនលោក Volodymyr Zelensky នៅថ្ងៃទី២៦ និង២៨ ខែមេសារៀងៗខ្លួន។

លោក Stephane Dujarric អ្នកនាំពាក្យរបស់លោក Guterres បានឲ្យដឹងថា លោក Guterres នឹងធ្វើទស្សនកិច្ចនៅទីក្រុងមូស្គូនៅថ្ងៃទី២៦ ខែមេសា ហើយមាន “កិច្ចប្រជុំការងារ និងអាហារថ្ងៃត្រង់” ជាមួយរដ្ឋមន្ត្រីការបរទេសរុស្ស៊ី លោក Sergei Lavrov៕ប្រែសម្រួល ឈូក បូរ៉ា