គៀវ ៖ ប្រធានាធិបតីអាមេរិក លោក ចូ បៃដិន បានសន្យាថា “នឹងបន្តផ្តល់ការគាំទ្រដល់ អ៊ុយក្រែន ដែលត្រូវការ ដើម្បីការពារខ្លួន” បន្ទាប់ពីការវាយប្រហារ របស់រុស្ស៊ីនាពេលថ្មីៗនេះ ទោះបីជាគេនៅមិនទាន់ដឹងថា ការគាំទ្រនោះនឹងមើលទៅដូចអ្វី ដែលថាជាទស្សនៈយោធា ក៏ដោយ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន អ៊ុយក្រែន Newsweek។
លោក បៃដិន បានប្រាប់ប្រធានាធិបតី អ៊ុយក្រែន លោក វូឡូឌីមៀ ហ្សេឡិនស្គី កាលពីថ្ងៃចន្ទ ដោយមិនបានបញ្ជាក់ច្បាស់ថា ប្រព័ន្ធការពារអាកាសនឹងក្លាយជាផ្នែកនៃជំនួយបែបណាមួយក៏ដោយ ។
នាពេលកន្លងមក សហរដ្ឋអាមេរិក បានផ្តល់ប្រព័ន្ធរ៉ុក្កែតកាំភ្លើងធំចល័ត កម្រិតខ្ពស់ (HIMARS) និងឧបករណ៍ទប់លំនឹង ហើយគ្រោងនឹងបញ្ជូន ប្រព័ន្ធមីស៊ីលលើផ្ទៃដី ទៅអាកាសកម្រិតខ្ពស់ថ្នាក់ ជាតិ (NASAMS) ។
លោក Gabriela Iveliz Rosa Hernández សហការីស្រាវជ្រាវ នៅសមាគមគ្រប់គ្រងអាវុធ បានប្រាប់កាសែត Newsweek ថា រដ្ឋាភិបាល សហរដ្ឋអាមេរិក បានបន្តគោលនយោបាយផ្អែកលើការ ផ្តល់អាវុធដល់អ៊ុយក្រែន ដែល “ពាក់ព័ន្ធ សម្រាប់ការប្រយុទ្ធ នាពេលបច្ចុប្បន្ន”។
លោក Hernandez បានលើកឡើងថា “អ៊ុយក្រែន បានស្វែងរកប្រព័ន្ធការពារដែនអាកាសជាយូរមកហើយ ដើម្បីការពារខ្លួនពីការ វាយប្រហារដោយមីស៊ីល របស់រុស្ស៊ី” ។ “តាមទ្រឹស្តី អ៊ុយក្រែនអាចប្រើប្រាស់ប្រព័ន្ធទំនើបៗជាច្រើនទៀត ដូចជាប្រព័ន្ធ Patriot ឬ Iron Dome ដើម្បីស្ទាក់ចាប់គ្រាប់រ៉ុក្កែត ។
សម្ព័ន្ធមិត្តរបស់អង្គការណាតូ ក៏អាចព្យាយាមផ្តល់ប្រព័ន្ធប្រឆាំងយន្តហោះ S-300 បន្ថែមទៀត ដូចដែលពួកគេបានធ្វើនៅក្នុងដំណាក់កាលដើមនៃ ជម្លោះព្រោះប្រជាជនអ៊ុយក្រែន ដឹងពីរបៀបប្រើប្រាស់ និងថែទាំប្រព័ន្ធទាំងនេះរួចហើយ”។
មន្ត្រីជាន់ខ្ពស់សេតវិមានបានប្រាប់ CNN ថា សហរដ្ឋអាមេរិក នឹងបន្តជួយដល់អ៊ុយក្រែន នូវប្រព័ន្ធការពារដែន អាកាសរយៈចម្ងាយខ្លី និងរយៈចម្ងាយឆ្ងាយ ជាថ្មីម្តងទៀត ដោយមិនរាប់បញ្ចូលព័ត៌មាន ជាក់លាក់ណាមួយឡើយ៕
