ហ្សាការតា៖ ទូរទស្សន៍ BBC បានផ្សព្វផ្សាយនៅថ្ងៃទី៨ ខែធ្នូ ឆ្នាំ២០២២ថា សភាឥណ្ឌូណេស៊ី បានអនុម័តក្រមព្រហ្មទណ្ឌថ្មីមួយ ដែលហាមប្រាមអ្នកណាម្នាក់ក្នុងប្រទេសនេះពីការរួមរ័កក្រៅអាពាហ៍ពិពាហ៍ និងរឹតត្បិតសេរីភាពនយោបាយ ។
ការរួមភេទក្រៅអាពាហ៍ពិពាហ៍នឹងត្រូវជាប់ពន្ធនាគាររហូតដល់១ឆ្នាំក្រោមច្បាប់ថ្មីដែលចូលជាធរមានក្នុងរយៈពេល៣ឆ្នាំ ។
ច្បាប់នៃការផ្លាស់ប្តូរនេះបានកើតឡើងបន្ទាប់ពីការកើនឡើងនៃការអភិរក្សសាសនានៅក្នុងប្រទេសដែលភាគច្រើនកាន់សាសនាអ៊ីស្លាម ។
ក្រុមអ្នករិះគន់បានចាត់ទុកច្បាប់នេះថា ជា “គ្រោះមហន្តរាយ” សម្រាប់សិទ្ធិមនុស្ស និងជាផលប៉ះពាល់ដល់វិស័យទេសចរណ៍ និងការវិនិយោគ ។
ក្រុមយុវជនជាច្រើនក្រុមភាគច្រើនបានតវ៉ាប្រឆាំងនឹងច្បាប់នៅខាងក្រៅសភាក្នុងទីក្រុងហ្សាការតា នៅក្នុងសប្តាហ៍នេះ ។ គេរំពឹងថា ច្បាប់ថ្មីនេះនឹងត្រូវចោទប្រកាន់នៅតុលាការ ។
ពួកគេអនុវត្តស្មើៗគ្នាចំពោះអ្នកស្រុក និងជនបរទេសដែលរស់នៅក្នុងប្រទេសឥណ្ឌូនេស៊ី ឬទៅលេងកន្លែងសម្រាកដូចជាកោះបាលីជាដើម ។ តាមច្បាប់ គូស្វាមីភរិយាមិនទាន់រៀបការដែលចាប់បានរួមភេទអាចដាក់ពន្ធនាគាររហូតដល់១ឆ្នាំ។
ពួកគេក៏ត្រូវបានហាមឃាត់មិនឱ្យរស់នៅជាមួយគ្នាផងដែរ ដែលជាទង្វើដែលមនុស្សអាចជាប់ពន្ធនាគាររហូតដល់៦ខែ។ អំពើផិតក្បត់ក៏នឹងក្លាយជាបទល្មើសដែលមនុស្សអាចជាប់ពន្ធនាគារ ។
គួរបញ្ជាក់ថា ការរួមភេទមុនពេលរៀបការត្រូវបានហាមឃាត់រួចហើយ មុនពេលការអនុម័តនៃក្រមព្រហ្មទណ្ឌថ្មីនេះ ប៉ុន្តែជារឿយៗច្បាប់នេះមិនត្រូវបានអនុវត្តទេ ។
ច្បាប់ចាស់បានកំណត់ការផិតក្បត់ជាការរួមភេទរវាងបុរសដែលរៀបការហើយ និងអ្នកដែលមិនមែនជាប្រពន្ធរបស់គាត់ ខណៈដែលច្បាប់ថ្មីបានហាមប្រាមការរួមភេទទាំងអស់នៅខាងក្រៅអាពាហ៍ពិពាហ៍ រួមទាំងរវាងគូស្វាមីភរិយាមិនទាន់រៀបការ ។ ការកាត់ទោសអ្នកដែលចាប់បានក៏ត្រូវបានបង្កើនពី៩ខែទៅ១ឆ្នាំ ។
អ្នកគាំទ្រច្បាប់ថ្មីលើកឡើងថា ការផ្លាស់ប្តូរត្រូវបានធ្វើឡើងដើម្បីសម្រួលដល់ក្តីបារម្ភរបស់អ្នករិះគន់ សម្រាប់ការកាត់ទោសចាប់ផ្តើមបណ្តឹងត្រូវតែប្តឹងដោយកុមារ ឪពុកម្តាយ ឬប្តី ឬប្រពន្ធរបស់ប្តីប្រពន្ធជាប់ចោទ ។
នាង Ajeng អាយុ២៨ឆ្នាំជាស្ត្រីម៉ូស្លីមដែលរស់នៅក្នុងទីក្រុង Depok ភាគខាងលិចនៃកោះជ្វាបានលើកឡើងថា ឥឡូវនេះនាងមានហានិភ័យក្នុងការរស់នៅជាមួយដៃគូរបស់នាងអស់រយៈពេល៥ឆ្នាំមកហើយ ។
នាងបានប្រាប់ដល់ទូរទស្សន៍ BBC ថា “ជាមួយនឹងច្បាប់ថ្មី យើងទាំង២នាក់អាចជាប់ពន្ធនាគារ ប្រសិនបើគ្រួសារណាមួយសម្រេចចិត្តរាយការណ៍ទៅប៉ូលិស” ៕
ប្រែសម្រួលដោយ៖ ម៉ៅ បុប្ផាមករា
