ព្រុចសែល៖ អធិការបតីអាល្លឺម៉ង់លោក Olaf Scholz បានលើកឡើងថា អឺរ៉ុប មិនត្រូវមានការបំភិតបំភ័យ ចំពោះក្បួនដង្ហែរ នៃអំណាចយោធា របស់ទីក្រុងមូស្គូនោះទេ ប៉ុន្តែនៅតែបន្តគាំទ្រអ៊ុយក្រែន ឱ្យបានយូរតាមដែលវាត្រូវការ។
លោក Scholz បានប្រាប់សមាជិកសភា ក្នុងសុន្ទរកថា នៅសភាអឺរ៉ុបនៅទីក្រុង Strasbourg ថា “២២០០ គីឡូម៉ែត្រពីភាគឦសាន ខណៈដេលប្រធានាធិបតីរុស្ស៊ីលោក វ្ល៉ាឌីមៀ ពូទីន កំពុងដង្ហែរទាហាន រថក្រោះ និងមីស៊ីលរបស់លោកនៅថ្ងៃដូចគ្នានេះ” ។
លោកបានលើកឡើងថា “យើងមិនត្រូវបំភិតបំភ័យដោយការលេងអំណាចបែបនេះទេ! ចូររក្សាជំហរយ៉ាងខ្ជាប់ខ្ជួនក្នុងការគាំទ្ររបស់យើងសម្រាប់អ៊ុយក្រែន ដរាបណាត្រូវការ!” នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Aljazeera។
គួរបញ្ជាក់ថា កាលពីថ្ងៃអង្គារ រុស្ស៊ីបានប្រារព្ធពិធីអបអរជ័យជម្នះ របស់សហភាពសូវៀត លើក្រុមណាស៊ីអាល្លឺម៉ង់ ដោយមានក្បួនដង្ហែកាត់ក្រុងម៉ូស្គូផងដែរ៕
ប្រែសម្រួល ឈូក បូរ៉ា
