ព័ត៌មានអន្តរជាតិ

អ៊ុយក្រែនអះអាងថា ខ្លួននឹងឈ្នះសង្គ្រាម ជាមួយយន្តហោះចម្បាំង F-16

បរទេស ៖ យន្តហោះចម្បាំង F-16 អាចជាអ្នកផ្លាស់ប្តូរ ហ្គេមនៅក្នុងជម្លោះដែលកំពុងបន្តរវាងទីក្រុងមូស្គូ និងទីក្រុងគៀវ , នេះបើតាមអ្នកនាំពាក្យ បញ្ជាការកងទ័ពអាកាស អ៊ុយក្រែន លោក Yury Ignat បានអះអាងទៅកាន់ទូរទស្សន៍ Espreso របស់អ៊ុយក្រែនកាលពីថ្ងៃសៅរ៍។

យោងតាមសារព័ត៌មាន RT ចេញផ្សាយកាលពីថ្ងៃទី២១ ខែឧសភា ឆ្នាំ២០២៣ បានឱ្យដឹងថា លោក Ignat បាននិយាយថា “នៅពេលដែល [យើងមាន] យន្តហោះ F-16 យើងនឹងឈ្នះសង្រ្គាមនេះ” ដោយលោកបន្ថែមថា ទីក្រុងគៀវ បានប្រាប់អ្នកគាំទ្រលោកខាងលិច របស់ខ្លួនម្តងហើយម្តងទៀតថា ប្រព័ន្ធការពារដែនអាកាស ដែលខ្លួនទទួលបានរួចហើយពីលោកខាងលិច គឺមិនគ្រប់គ្រាន់ដើម្បីការពារទឹកដីទាំងអស់ របស់អ៊ុយក្រែនប្រឆាំងនឹង ការវាយប្រហារ តាមអាកាសរបស់រុស្ស៊ី ឡើយ ។

អ្នកនាំពាក្យកងទ័ព អាកាសបាននិយាយថា ដោយរាប់ព្រំដែនអ៊ុយក្រែនជាមួយបេឡារុស្ស ច្រាំងសមុទ្រខ្មៅរបស់ខ្លួន និងព្រំដែនជាមួយតំបន់ ដាច់ចេញពីតំបន់ Transnistria របស់ប្រទេសម៉ុលដាវី ជាផ្នែកនៃ “ខ្សែបន្ទាត់ខាងមុខ” ថា “ទឹកដីនៃប្រទេស និងប្រវែងនៃព្រំដែនរដ្ឋគឺធំ ហើយជួរមុខ … មានប្រវែងជាង ២ ៥០០ គីឡូម៉ែត្រ”។

លោក Ignat បន្តថា វានឹងមិនអាចទៅរួចទេក្នុងការគ្របដណ្តប់លើការពង្រីកបែបនេះជាមួយនឹងប្រព័ន្ធការពារអាកាស។ លោកក៏បាននិយាយផងដែរថា យន្តហោះចម្បាំង F-16 ដែលផលិត ដោយសហរដ្ឋអាមេរិក នឹងក្លាយជា “ផ្នែកមួយនៃការការពារដែនអាកាស” ហើយនឹងត្រូវបានប្រើនៅក្នុងតំបន់ ដែលមិនត្រូវបានគ្របដណ្តប់ដោយប្រព័ន្ធមូលដ្ឋាន៕

To Top