តាំងពីសមាជបក្សកម្មុយនីស្តចិនលើកទី ១៨ មក លោក Xi Jinping បានចុះត្រួតពិនិត្យការងារនៅភូមិភាគស្វយ័តម៉ុងហ្គោលីខាងក្នុង ៣ ដង និងអញ្ជើញចូលរួមគណៈប្រតិភូម៉ុងហ្គោលីខាងក្នុងការពិនិត្យពិភាក្សា ៥ ដង ។
ថ្ងៃទី ៥ ដល់ថ្ងៃទី ៦ ខែមិថុនា លោក Xi Jinping បានចុះត្រួតពិនិត្យការងារតាមកសិដ្ឋានព្រៃឈើជាតិនៃក្រុង Bayan Nur និងថ្លែងសុន្ទរកថាគន្លឹះ ។
ភូមិភាគស្វយ័តម៉ុងហ្គោលីខាងក្នុងស្ថិតនៅព្រំប្រទល់ខាងជើងនៃមាតុភូមិ ហើយជា “ច្រកទ្វារខាងជើង” នៃប្រទេសចិន ។ លោក Xi Jinping តែងតែយកចិត្តទុកដាក់ខ្ពស់ចំពោះទឹកដីដ៏ស្រស់ស្អាតនិងធំល្វឹងល្វើយនេះ ដោយបន្សល់ទុកនូវរឿងរ៉ាវដ៏គួរឱ្យចាប់អារម្មណ៍ជាច្រើន ។
រឿងរ៉ាវទី ១
នៅថ្ងៃទី ២៦ ខែមករា ឆ្នាំ ២០១៤ លោក Xi Jinping បានអញ្ជើញទៅដល់ភ្នំ Alshan ដែលស្ថិតនៅភូមិភាគស្វយ័តម៉ុងហ្គោលីខាងក្នុង ដោយបានទ្រាំនឹងសីតុណ្ហភាពត្រជាក់ខ្លាំងបំផុតដល់ទៅដក ៣០ អង្សាសេក្រោមសូន្យ ហើយបានឆ្លងកាត់ខ្យល់ព្រិល ដើម្បីសួរសុខទុក្ខទាហានដែលកំពុងល្បាតតាមខ្សែការពារព្រំដែន ។
បន្ទាប់ពីបានសួរសុខទុក្ខដល់ទាហានយាមល្បាត លោក Xi Jinping បានជិះឡានទៅកាន់ប៉ុស្តិ៍ល្បាត Sanjiaoshan ដែលមានទីតាំងឈរនៅលើកំពូលភ្នំក្នុងរយៈកម្ពស់ជាង ១០០០ ម៉ែត្រ ។ តាមកាំជណ្ដើរដ៏ចោត ៥៨កាំ ក្រោមខ្យល់ត្រជាក់ដ៏សែនរងា លោក Xi Jinping បានឡើងដល់ប៉ុស្តិ៍ល្បាត ។ នៅប៉ុស្តិ៍ លោកបានស្តាប់របាយការណ៍ពីស្ថានភាពនិងបានសង្កេតមើលស្ថានភាពជុំវិញប៉ុស្តិ៍ក្រោមការណែនាំពីយោធិន ។ បន្ទាប់មក លោកបានយកប៊ិចមួយមកចុះហត្ថលេខាក្នុងសៀវភៅចុះឈ្មោះសង្កេតការណ៍ដោយសរសេរថា Xi Jinping ថ្ងៃទី ២៦ ខែមករា ឆ្នាំ២០១៤ ។
លោក Xi Jinping បានថ្លែងថា ថ្ងៃនេះខ្ញុំយាមល្បាតជាមួយអ្នកទាំងអស់គ្នា
មួយឆ្នាំបន្ទាប់ពីការធ្វើដំណើរទៅកាន់ភ្នំ Aershan ពលទាហាននិងនាយទាហានទាំងអស់បានសរសេរសំបុត្រទៅកាន់លោកប្រធានរដ្ឋ Xi ដោយរាយការណ៍អំពីការពង្រឹងការកសាងកងទ័ព ការបំពេញបេសកកម្មការពារព្រំដែននិងការរីកចម្រើននិងវឌ្ឍនភាពផ្ទាល់ខ្លួន ។
រឿងរ៉ាវទី ២
ថ្ងៃទី ៥ ខែមីនា ឆ្នាំ ២០២១ ក្នុងកិច្ចប្រជុំលើកទី ៤ នៃសភាតំណាងប្រជាជនទូទាំងប្រទេសចិននីតិកាលទី ១៣ លោក Xi Jinping បានចូលរួមក្នុងកិច្ចពិគ្រោះពិភាក្សានៃគណៈប្រតិភូម៉ុងហ្គោលីខាងក្នុងនិងបានលើកឡើងនូវសំណូមពរអំពីការពង្រឹងអភិបាលកិច្ចអេកូឡូស៊ីបន្ថែមទៀត ។ លោក Xi Jinping បានគូសបញ្ជាក់ថា ត្រូវសម្របសម្រួលការគ្រប់គ្រងភ្នំ ទន្លេ ព្រៃឈើ វាលស្រែ បឹងបួន ស្មៅនិងប្រព័ន្ធខ្សាច់ អនុវត្តឱ្យបានល្អនូវគម្រោងការពារនិងស្ដារអេកូឡូស៊ី បង្កើនសមត្ថភាពការពារប្រព័ន្ធអេកូឡូស៊ី និងកែលម្អស្ថិរភាពនិងនិរន្តរភាពនៃប្រព័ន្ធអេកូឡូស៊ី ។
ភូមិភាគស្វយ័តម៉ុងហ្គោលី ខាងក្នុងគឺជារបាំងសន្តិសុខអេកូឡូស៊ីដ៏សំខាន់នៅភាគខាងជើងប្រទេសចិន ។ លោក Xi Jinping បានយកចិត្តទុកដាក់ខ្ពស់ចំពោះការកសាងការពារអេកូឡូស៊ី និងបរិស្ថានក្នុងតំបន់ ដោយគូសបញ្ជាក់លើតម្រូវការក្នុងការកសាងមហាកំផែងពណ៌បៃតងដ៏រឹងមាំនៅភាគខាងជើងនៃប្រទេសចិន ៕
