បរទេស៖ រដ្ឋមន្ត្រីក្រសួងពាណិជ្ជកម្ម ស្តីទីរបស់រដ្ឋាភិបាលនៃក្រុមតាលីបង់ ប្រទេសអាហ្គានីស្ថានលោក Haji Nooruddin Azizi បាននិយាយកាលពីថ្ងៃព្រហស្បតិ៍ម្សិលមិញថា រដ្ឋាភិបាលបានស្នើសុំសមាជិកភាព នៃគំនិតផ្តួចផ្តើមខ្សែក្រវាត់ និងផ្លូវរបស់ចិន (BRI) ហើយនឹងបញ្ជូនក្រុមបច្ចេកទេស ទៅទីក្រុងប៉េកាំងដើម្បីចរចានេះ។
ថ្មីនេះរដ្ឋាភិបាលក្រុងកាប៊ូល ក៏បានបញ្ជូនគណៈប្រតិភូ ទៅចូលរួមវេទិកាខ្សែក្រវ៉ាត់ និងផ្លូវនៅទីក្រុងប៉េកាំង ដែលបានបញ្ចប់កាលពីថ្ងៃពុធ។ អាហ្វហ្គានីស្ថានស្ថិតក្នុងចំណោមប្រទេសចំនួន៣៥ ដែលបានចុះហត្ថលេខាលើកិច្ចព្រមព្រៀង ស្តីពីសេដ្ឋកិច្ចឌីជីថល និងការអភិវឌ្ឍន៍បៃតងនៅខាងក្រៅកិច្ចប្រជុំកំពូល។
លោក Azizi បានប្រាប់ទៅកាន់ ក្រុមអ្នកយកព័ត៌មានរបស់រ៉យទ័រថា ៖យើងបានស្នើសុំប្រទេសចិនឱ្យអនុញ្ញាតឱ្យយើង ជាផ្នែកមួយនៃច្រករបៀងសេដ្ឋកិច្ចចិន-ប៉ាគីស្ថាន និងគំនិតផ្តួចផ្តើមខ្សែក្រវ៉ាត់ និងផ្លូវ។
គួរឲ្យដឹងដែរថាច្រករបៀងសេដ្ឋកិច្ចនេះ គឺជាផ្នែកមួយដ៏សំខាន់នៃ BRI ដែលជាហេដ្ឋារចនាសម្ព័ន្ធ ដ៏សំខាន់របស់ចិននៅក្នុងអាស៊ី ដែលស្វែងរកការសម្របសម្រួលពាណិជ្ជកម្ម និងពាណិជ្ជកម្មអន្តរជាតិ រវាងបណ្តាសមាជិកទាំងអស់៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
