ម៉ូស្គូ៖ ក្រសួងការបរទេសរុស្ស៊ី បានប្រកាសកាលពីថ្ងៃសុក្រថា ទោះបីជាមានការដកការផ្តល់ សច្ចាប័នលើសន្ធិសញ្ញាហាមប្រាម ការសាកល្បងនុយក្លេអ៊ែរគ្រប់ជ្រុងជ្រោយ (CTBT) ក៏ដោយ ក៏រុស្ស៊ីនៅតែប្តេជ្ញាចិត្ត ចំពោះសន្ធិសញ្ញា និងកាតព្វកិច្ចរបស់ខ្លួនផងដែរ។
ក្រសួងបានឧ្យដឹងនៅក្នុងសេចក្តីថ្លែងការណ៍មួយថាប្រទេសរុស្ស៊ី នៅតែជាហត្ថលេខីនៃ CTBT ហើយនឹងបន្តចូលរួមក្នុងការងាររបស់គណៈកម្មការរៀបចំសន្ធិសញ្ញា។ រុស្ស៊ីក៏មានបំណងរក្សាការផ្អាកការសាកល្បងនុយក្លេអ៊ែរ ដែលខ្លួនបានសង្កេតឃើញ អស់រយៈពេលជាងបីទសវត្សរ៍ មកហើយ។
ទោះជាយ៉ាងណាក៏ដោយ ក្រសួងបានព្រមានថា ប្រសិនបើសហរដ្ឋអាមេរិកធ្វើតេស្ដសាកល្បងពេញលក្ខណៈនៅទីតាំងរដ្ឋ Nevada របស់ខ្លួន ដូចដែលរបាយការណ៍មួយចំនួនបានលើកឡើងនោះ រុស្ស៊ីនឹងឆ្លើយតបដោយសប្បុរស។
ក្រសួងការបរទេសរុស្ស៊ីបានឧ្យដឹងថា “សហរដ្ឋអាមេរិកត្រូវតែយល់ថា ការធ្វើតេស្ដពេញលេញ ដែលហេដ្ឋារចនាសម្ព័ន្ធនៃកន្លែងសាកល្បងនៅរដ្ឋ Nevada ត្រូវបានគេរាយការណ៍ថាបានរៀបចំ នឹងបង្ខំឱ្យយើងធ្វើសកម្មភាពក្នុងលក្ខណៈកញ្ចក់” ។
ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃព្រហស្បតិ៍ បានចុះហត្ថលេខាលើច្បាប់មួយ លុបចោលការផ្តល់សច្ចាប័នរបស់រុស្ស៊ីលើសន្ធិសញ្ញានេះ បានចុះហត្ថលេខាក្នុងឆ្នាំ១៩៩៦ សន្ធិសញ្ញានេះ គឺជាកិច្ចព្រមព្រៀងពហុភាគីដែលហាមប្រាមរាល់ការសាកល្បងការផ្ទុះនុយក្លេអ៊ែរដែលធ្វើឡើងក្នុងគោលបំណងសន្តិភាព ឬយោធា។ រុស្ស៊ីបានផ្តល់សច្ចាប័នលើសន្ធិសញ្ញានេះក្នុងឆ្នាំ២០០០ ខណៈអាមេរិកមិនទាន់បានផ្តល់សច្ចាប័នលើសន្ធិសញ្ញានេះនៅឡើយទេ៕
ប្រែសម្រួល ឈូក បូរ៉ា
