បរទេស៖ ទីភ្នាក់ងារសារព័ត៌មានរុស្ស៊ី TASS បាននិយាយកាលពីថ្ងៃសៅរ៍ថា អ្នកសរសេរប្លុកជនជាតិឈីលីកាត់អាមេរិកលោក Gonzalo Lira បានទទួលមរណភាពនៅ ក្នុងពន្ធនាគាររបស់ប្រទេសអ៊ុយក្រែន ដោយ ការស្លាប់របស់អ្នកសរសេរប្លុកនេះ ត្រូវបានប្រកាសជាលើកដំបូង ដោយគ្រួសាររបស់គាត់កាលពីថ្ងៃសុក្រ។
លោកLira ក្នុងវ័យ៥៥ឆ្នាំនៅពេលគាត់ស្លាប់បានរស់នៅក្នុង Kharkov ហើយសរសេរប្លុកដែលស្គាល់ឈ្មោះថាCoachRedPillប៉ុន្តែបានប្តូរទៅការអត្ថាធិប្បាយ YouTube បន្ទាប់ពីរុស្ស៊ីបានចាប់ផ្តើមប្រតិបត្តិការយោធារបស់ខ្លួននៅអ៊ុយក្រែនក្នុងខែកុម្ភៈ ឆ្នាំ ២០២២។
គាត់ត្រូវបានចាប់ខ្លួនដោយទីភ្នាក់ងារសន្តិសុខអ៊ុយក្រែន (SBU) កាលពីខែ ឧសភាឆ្នាំមុន និងត្រូវបានគេចោទប្រកាន់ពីបទបង្ខូចកេរ្តិ៍ឈ្មោះ ថ្នាក់ដឹកនាំអ៊ុយក្រែន និងយោធាជាច្រើន។
ខ្ញុំមិនអាចទទួលយកវិធីដែលកូនប្រុសរបស់ខ្ញុំបានស្លាប់នោះទេ។ គាត់ត្រូវបានគេធ្វើទារុណកម្ម ជំរិតទារប្រាក់មិនមានទំនាក់ទំនងរយៈពេល ៨ ខែ ១១ ថ្ងៃ ហើយស្ថានទូតអាមេរិកមិនបានជួយអ្វីដល់កូនខ្ញុំទេ។ ទំនួលខុសត្រូវនៃសោកនាដកម្មនេះគឺមេដឹកនាំផ្តាច់ការ Zelensky ជាមួយនឹងការយល់ស្របរបស់ប្រធានាធិបតីអាមេរិកវ័យចំណាស់ Joe Bidenនេះបើយោងតាមការបញ្ជាក់ដោយ ឪពុករបស់គាត់់់លោក Gonzalo Lira Sr. បានសរសេរ៕ ប្រែសម្រួល៖ស៊ុនលី
